Shumë dëme në Skenderaj, lëndohen 15 persona, ngordh një viç

Komuna e Skenderajt ka krijuar komisionet për vlerësimin e dëmeve të shkaktuara nga vërshimet e së enjtës.

Sipas komunarëve ende nuk dihet shifra e saktë, por mund të thuhet se janë miliona euro dëme.

Edhe banorët konfirmojnë se në të shumtën e rasteve, shtëpitë që janë vërshuar nuk janë më të banueshme, derisa me vështirësi i kanë larguar familjarët një ditë më parë.

Sipas të dhënave nga komuna, gjatë së enjtës, si pasojë e situatës së krijuar pas reshjeve të shiut, mbi 15 persona kanë kërkuar ndihmë mjekësore.