Si iu zhduken dy vajzat nënës nga Ferizaji?

Një grua ka raportuar në Policinë e Kosovës se nga muaji gusht janë zhdukur dy vajzat e saj, njëra prej të cilave e mitur.

Ajo ka deklaruar në Polici se deri para disa ditëve ka pasur kontakte me vajzat, të cilat thotë se i kishin thënë se janë duke jetuar në Prishtinë.

“Rr. “Gëzim Sahiti”, Ferizaj Gusht 2020-10:00. Ankuesja f/k ka raportuar se prej muajit gusht të vitit 2020 dy vajzat e saj viktimat f/k njëra e mitur kishin dalë nga shtëpia dhe nuk dihet vendndodhja e tyre. Sipas ankueses ajo me vajzat përmes telefonit dhe në rrjete sociale deri para disa ditëve kishte pas kontakte të cilat i kishin thënë jemi duke jetuar në Prishtinë por më nuk ka kontakte”, thuhet në raportin 24 orësh të Policisë.