Edhe pse infeksioni pas prerjes cezariane shërohet me sukses, është me rëndësi vetëm që në kohë ta dalloni.
Incizioni kirurgjikal dhe infeksioni i mitrës janë relativisht të shpeshta pas prerjes cezariane.
Vraga mund të infektohet nëse bakteri hyn në plagë, nëse zgjerohet atëherë mund të përfshijë mitrën dhe abdomenin.
Simptomat kryesisht shfaqen në afatin prej disa ditësh pas operacionit, mund t’i dalloni në këtë mënyrë:
▪ skuqje rreth prerjes,
▪ ënjtje abdominale rreth prerjes,
▪ nga plaga rrjedh lëng,
▪ dhembje e shtuar në vendin e plagës,
▪ gjakrrjedhje e madhe në vendin e plagës.
Shenjat e zakonshme të infeksioneve të brendshme janë:
▪ ethe dhe temperaturë mbi 39
▪ dhimbje të shtuar të stomakut
▪ ethe, lodhje, dhimbje trupi ose simptoma të ngjashme me gripin
▪ rrjedhje vagjinale me erë të pakëndshme
Si mund të parandaloni infeksionin
Në qoftë se operacioni juaj me prerje cezariane është i planifikuar, gjinekologët zakonisht para intervenimit mund t’ju japin antibiotikë për të zvogëluar në minimum mundësinë e infeksionit të mitrës.
Kur dilni nga spitali dhe ktheheni në shtëpi, është me rëndësi të ndiqni udhëzimet për kurën e plagës. Kjo zakonisht nënkupton pastrimin e vragës dhe zëvendësimin e rregullt të fashave.
Po ashtu përpiquni që të shmangni vendosjen e bebes drejtpërdrejt në plagë.
Nëse ndodh të infektoheni, mos u shqetësoni, ajo që është më e rëndësishmja është që simptomat t’i dalloni në kohë. Mjeku juaj do t’ju caktojë terapinë e duhur me antibiotikë, vetëm në raste të rënda mund të kryhet një operacion i vogël për të parandaluar komplikimet.
