Ftohjet dhe sëmundje të tjera virale mund të kenë qenë më pak prezente në dy vitet e fundit për shkak të mbajtes së maskave, distancës dhe kufizimeve të tjera pandemike, por kjo nuk do të thotë se nuk duhet të kujdeseni për shëndetin.
Bëni këto gjëra për të forcuar sistemin tuaj imunitar:
Pini mjaftueshëm ujë
Marrja shumë e vogël e ujit dobëson pengesën natyrore të mukozës në fyt, faring dhe hundë. Në të njëjtën kohë, dobëson indin e mushkërive, gjë që e bën jetën më të lehtë për patogjenët. Për çdo kilogram të peshës trupore, duhet të pini 30 mililitra lëng gjatë ditës, mundësisht ujë ose çaj pa sheqer. Nëse, për shembull, peshoni 70 kilogramë, kjo do të thotë se ju nevojiten 2,1 litra lëngje në ditë.
Hani ushqime të pasura me hekur, zink dhe selen
Farat e susamit, farat e kungullit, tërshëra dhe thjerrëzat kanë diçka të përbashkët – ato janë të pasura me hekur dhe zink. Këto mikroelemente mund të sigurojnë që qelizat tona T, ato që zbulojnë viruset në trup, të funksionojnë mirë. Seleni gjithashtu ndihmon mbrojtjen tonë fizike dhe mund të gjendet në të verdhat e vezëve, kikirikët, drithërat.
Bëni pushime të rregullta
Stresi dëmton trupin dhe në këtë mënyrë sistemin imunitar. Redukton numrin e qelizave imune në gjak dhe qelizat T. Kjo është një arsye shtesë për t’i lejuar trupit tonë pushime të rregullta. Edhe disa minuta pushim ul nivelin e stresit.
Ushtroni në ajër të pastër
Edhe nëse është ftohtë, ushtrimet në ajër të pastër janë të dobishme jo vetëm për të forcuar sistemin tuaj imunitar por edhe për të përmirësuar gjendjen shpirtërore. Megjithatë, nuk duhet ta teproni. Zgjidhni atë që funksionon më mirë për ju, nëse është një vrap apo një ecje e lehtë.
