Kryeministri i Kosovës, Albin Kurti ka thënë se orët dhe javë në vazhdim mund të jenë problemaitke për shkak të gjendjes në Veriun e Kosovës.
“Orët e ditët e javët në vijim mund të jenë sfiduese e problematike. Po përballemi me nacional-shovinizmin serbomadh që e njohim mirë. Do të punojmë ditë e natë, do të jemi në krye të detyrës, për juve si qytetarë dhe për Republikën tonë demokratike. Dhe, së bashku arrijmë të ngadhënjejë rendi e ligji duke i vendosur ato në çdo cep të vendit“, ka thënë Kurti përmes një adresimi.
Ai ka akuzuar Aleksandër Vuçiqin dhe Petar Petkoviqin për situatën në Veri.
