Drejtoria e Inspeksionit në Prishtinë ka rrënuar sot një shtëpi që ishte në ndërtim e sipër në lagjen Tophane të Prishtinës.
Inspektoriati në bashkëpunim me Policinë e Kosovës kanë filluar aksionin nga mëngjesi i sotëm.
Ndërkohë, Inspektoriati ka sqaruar arsyen e rrënimit të shtëpisë.
“Pala ka filluar së ndërtuari objekt pa lejen përkatëse nga organet kompetente me dimensione të përafërta ~ 13,00m x 18,00m, inspektorati i ndërtimit ka ndërmarrë hapat ligjor duke urdhëruar palën me aktvendim të ndërpresë punët ndërtimore dhe të bëjë largimin e objektit pa leje ndërtimore ndërkaq i njëjti nuk ka respektuar urdhrin e inspektoratit me ç’rast kemi ndërmarrë veprimet tjera ligjore dhe jemi duke bërë rrënimin e objektit pa leje përkatëse” thuhet në njoftimin e Drejtorisë së Inspektoriatit në Prishtinës.
