Rezultatet e një sondazhi të fundit për burrërinë shkaktuan shumë reagime në Gjermani për shkak të disa qëndrimeve që tingëllojnë tmerruese.
Po cili është ky sondazh dhe a janë kaq toksikë burrat në Gjermani?
Si idol yllin e TikTok-ut dhe të vetëshpallurin “femërurrejtës”, Andrew Tate?
Rezultatet e një sondazhi para disa ditësh kaluan si lajm shokues nëpër mediat gjermane: dhuna në familje është “e pranueshme”, gratë e kanë vendin në kuzhinë dhe homoseksualiteti i jetuar hapur refuzohet.
Miratimi për pohime të tilla në Gjermani, sipas një sondazhi të fundit të organizatës jo qeveritare, Plan International, është i madh.
Kështu çdo i treti mashkull i anketuar nuk e sheh si ndonjë problem të madh kur nganjëherë ushtrohet edhe dhunë ndaj femrës. 34% nga të pyeturit shprehen se mund t’i japin ndonjë shuplakë partneres për “t’i nxitur respektin”.
