Mbrëmja e sotme pritet të jetë një nga më të zjarrtat në historinë e Big Brother VIP, pasi në orën 21:00 do të ndodhë ajo që prej ditësh po përflitet në korridoret e spektaklit dhe në rrjetet sociale: ish-i dashuri i Brikenës do të hyjë në shtëpinë më të famshme në vend. Një hyrje që premton dramë, tension, emocione të forta dhe një përmbysje totale të lojës.
Prej disa ditësh qarkullonin aludime se produksioni po përgatiste një surprizë të madhe për një nga banoret më të komentuara të këtij sezoni. Por askush nuk e imagjinonte se “surpriza” do të ishte pikërisht e kaluara e saj që troket në derë, përpara miliona shikuesve. Burime pranë produksionit bëjnë me dije se gjithçka është organizuar në fshehtësi të plotë dhe shumë pak persona kanë qenë në dijeni të këtij skenari shpërthyes.
Brikena, e cila deri më tani është shfaqur e fortë në lojë, strategjike dhe e përqendruar, sonte pritet të përballet me sfidën më të madhe emocionale. Historia e saj me ish-partnerin ka qenë e komentuar jashtë shtëpisë, me ulje-ngritje, ndarje të papritura dhe shumë pikëpyetje që nuk janë sqaruar kurrë publikisht. Dhe tani, gjithçka do të dalë në pah nën dritat e forta të spektaklit live./INA
