Sot në Ditën Ndërkombëtare të Gruas, ambasadori i Shqipërisë në Kosovë, Qemal Minxhozi mori pjesë në ceremoninë e përurimit të “Kooperativa Bujqësore Krusha”, shkruan Indeksonline.
Ky projekt ishte një ëndërr, për të cilën Fahrie Hoti nuk u dorëzua kurrë derisa e bëri realitet.
Postimi i plotë:
Pikërisht, sot në Ditën Ndërkombëtare të Gruas, ambasadori i Republikës së Shqipërisë, z. Qemal Minxhozi mori pjesë në ceremoninë e përurimit të “Kooperativa Bujqësore Krusha”, projekt i financuar nga Bashkimi Evropian dhe me kontribut vullnetar të disa bizneseve vendore, të kordinuara nga Ambasada e Shqipërisë.
Sot më shumë se kurrë, vuajtjet, dhembja, sakrifica e grave të Krushës u shpërblye.
Gati 5 vjet më parë, ky projekt ishte një ëndërr, të cilën vetë Fahrie Hoti, heroina dhe shembulli i gruas së pamposhtur, që nuk u dorëzua kurrë, nuk besonte se do bëhej realitet.
Me mjediset e reja bashkëkohore, të denja siç i ka hije, gratë e Krushës do të kenë mundësinë të mbajnë familjet, të rrisin fëmijët e të kontribuojnë në zhvillimin e zonës.
Gëzuar Ditën Ndërkombëtare të Gruas!
https://www.facebook.com/AmbasadaPrishtine/posts/4116081931738253
