Pamjet e ditës së mërkurë dhe sot, te Salla e Sporteve “1 Tetori” në Prishtinë, tregojnë punën e Qeverisë, konkretisht të Ministrisë së Shëndetësisë, shkruan “Kosovarja”.
Pamje të tmerrshme sot shihen në pritjet e gjata të të moshuarave për të marrë vaksinën kund covid-it.
Pamjet tregojnë për një tollovi të madhe, që flet për mospërgjegjësi të Qeverisë, që në mënyrë të organizuar të kryhet puna e vaksinimit.
Dhe, për gjithë atë tollovi te “1 Tetori”, akoma nuk ka asnjë reagim të ministrit të Shëndetësisë e as të Qeverisë, përveç reagimit të simpatizuesve të partisë në pushtet.
Aq më keq, kur gjithë ato skena kanë të bëjnë me të moshuarit, të ardhur nga vise të ndryshme të Kosovës, me të vetmin synim ta marrin vaksinën kundër covid-it dhe të shpëtojnë jetën.
Sepse, në komuna të tjera ende nuk organizohet vaksinimi, meqë Qeveria nuk ka arritur të sigurojë vaksina të mjaftueshme, madje as për të moshuarit!
Prandaj, vaksinat e deritashme, që kanë arritur në Kosovë, janë donacione humanitare të BE-së.
Ndërkohë, nga Qeveria e Kosovës nuk është bërë asgjë konkrete me kompanitë prodhuese…
Madje, edhe më keq, vazhdimisht, është folur për kinse biseda sekrete me kompanitë e prodhimit të vaksinave e rezultati askund…
Dhe, për gjithë atë tollovi, raportohet se ka pasur edhe konflikte ndërmjet të moshuarve dhe të familjarëve përcjellës me policinë!
Por, që vaksinimi të bie paksa në binarë, policia i ka shpërndarë qytetarët, në mënyrë që të prisnin në rend për t’u vaksinuar, andaj edhe ka vendosur barriera…
Sidoqoftë, profesionistët shëndetësorë dhe ish-ministrat e shëndetësisë, por edhe mediet, e kanë cilësuar të papërgatitur veprimin e MSH-së për gjendjen aktuale të krijuar te Salla “1 Tetori” në Prishtinë. Safet Krivaça /Kosovarja/.
