243
Ish-deputetja e Kuvendit të Kosovës, Blerta Deliu-Kodra ka reaguar pas incidentit të ndodhur sot në Skenderaj.
Ajo theksoi se dhuna nuk është zgjidhje, por shtoi se edhe provokimet, linçimet dhe akuzat sistematike nuk duhet të normalizohen.
“Dhuna nuk është zgjidhje. Por as provokimet, linçimet dhe akuzat sistematike nuk janë.
Sepse kur për vite të tëra instalohet gjuha e urrejtjes, e përçarjes dhe e dehumanizimit, pasojat nuk vonojnë. Njëra e sjell tjetrën. Gjithmonë kështu ka qenë.
Prandaj, sot më shumë se kurrë, kemi nevojë për përmbajtje dhe respekt në diskursin publik. Për ndalim të gjuhës që prodhon konflikt, e jo për ushqim të saj”, shkroi Deliu.
