Sveçla për Listën Serbe: Detyrë jetike që ky subjekt të mbetet jashtë Kryesisë

Deputeti i Lëvizjes Vetëvendosje, Xhelal Sveçla, ka theksuar se është detyrë jetike që Lista Serbe të mbetet jashtë Kryesisë së Kuvendit të Kosovës.

Sveçla ka publikuar një postim në Facebook, duke kujtuar përfshirjen e këtij subjekti në sulmin ndaj Kushtetutshmërisë dhe institucioneve të Republikës.

“Meqenëse ky subjekt ka qenë i përfshirë aktivisht në sulmin ndaj Kushtetushmërisë, institucioneve të Republikës, KFOR-it, misioneve të huaja, gazetarëve e qytetarëve, është detyrë jetike që ky subjekt të mbetet jashtë Kryesisë”, ka shkruar ai.