Tag:

lodhja

5 mënyra natyrale si të luftoni stresin, lodhjen dhe pagjumësinë

by Revista Kosovarja 11 Shtator, 2024

written by Revista Kosovarja

Sa më shumë ta dëgjoni trupin tuaj aq më shumë do të mësoni si për mënyrën e funksionimit të atij ashtu dhe për nevojat ditë pas dite. Nga problemet që njerëzit sot përballen më shumë është stresi dhe të gjithë efektet e tjera që ai lë pas si lodhje e vazhdueshme apo pagjumësi.

Pra siç thamë, zgjidhja duhet të fillojë nga brenda, duhet të kuptoni trupin tuaj dhe ta trajtoni me mënyrat më natyrale të mundshme. Ndiqni mëposhtë 5 sugjerime mbi këtë çështje të cilat do ju ndryshojnë shpejt regjimin dhe do ju sigurojnë pa dyshim një jetesë më të shëndetshme.

Ju dhembin gjunjët? Provoni susamin
Kur dhimbja e gjunjëve është e vazhdueshme dhe e bën të vështirë ngjitjen e shkallëve ose shijimin e një shëtitjeje sigurisht që jeta juaj e përditëshme ndikohet negativisht dhe ndiheni më të lodhur. Për ta zgjidhur këtë thjesht fërkoni kyçet dhe gjunjët tuaj me disa pika vaj susami për secilin, pastaj mbështillini me një peshqir të ngrohtë.

Bëjeni këtë proces për 10 minuta në mënyrë që të largoni ënjtjen, kontraktimet dhe dhimbjen. Kjo për shkak se në përbërjen e këtij vaji gjendet sesamina dhe sesamoli të cilat përshpejtojnë riparimin e indeve të dëmtuara dhe frenojnë prodhimin e substancave që shkaktojnë dhimbje.

Ndiheni të lodhur? Shijoni një mollë
Ditët kur ndiheni të këputur e të lodhur që me mëngjes me siguri i keni përjetuar të gjithë dhe nëse keni për tu marrë me punë, kjo sigurisht nuk është aspak e favorshme. Mollët e freskëta të vjeshtës janë të mbushura me antioksidantë ndihmojnë qelizat e trupit tuaj dhe rrisin prodhimin e një enzime kryesore për energjinë të quajtur ATP. Studiuesit britanikë argumentojnë se një mollë largon lodhjen për më pak se 20 minuta. Ose lani duart shpesh me ujë të ftohtë.

Lëvizjet e pakta që e karakterizuan këtë vit lanë rreth 60% të popullsisë pa kryer asnjë aktivitet fizik e të plogësht. Larja e duarve me ujë të ftohtë të rrjedhshëm për 60 sekonda pasi rënia e menjëhershme e temperaturës në trup dërgon oksigjen energjik në tru. Gjithashtu çliron hormonin revitalizues norepinefrinën duke larguar plogështinë dhe lodhjen për të paktën dy orë.

Keni probleme me fokusimin? Dëgjoni zhurmën e shiut
Kur ndiheni se e keni mendjen në shumë çështje e njëkohësisht ndiheni të çorientuar e të lodhur provoni të dëgjoni reshjet e shiut ose tinguj të tjerë në natyrë. Studiuesit në Institutin Politeknik Rensselaer në NeW York, thonë se njerëzit që dëgjojnë tingujt e natyrës janë më të përqendruar dhe produktivë sesa ata që dëgjojnë gjatë gjithë kohës zhurma të tjera ose asgjë.

Këtë mund ta arrini fare lehtë nëse dilni një xhiro në natyrë ose mund të dëgjoni tinguj të ngjashëm nëpërmjet telefonit tuaj. Një mënyrë tjetër është t’i zhvendosni sytë për 30 sekonda rreth jush. Lëvizini ngadalë sytë nga njëra anë në tjetrën në mënyrë që të mund të rrisni kujtesën afatshkurtër deri në 42% për një orë.

Keni uri të tepruar? Përsërisni këtë frazë
Nëse shijet e ëmbla ose ushqimet e “ndaluara” për ju janë gjithmonë në qendër të vemendjes tuaj, duhet të merrni ndonjë masë parandaluese për këtë. Shkencëtarët e Kolegjit të Bostonit, shpjegojnë se sekreti qëndron vetëm tek një togfjalësh i thjeshtë. Në një studim mbi këtë çështje u vu re se gratë që thanë frazën “Unë nuk mund ta ha këtë” dyfishuan aftësinë e tyre për t’u larguar nga tundimi dhe për të humbur peshë.

Shkencëtarët thonë se fjalët “nuk mundem” të bëjnë të ndihesh i privuar, ndërsa fjala “mos” të bën të ndihesh i kontrolluar, duke rritur kështu fuqinë e vullnetit tënd drejt tundimit.

Nuk mund të flini? Vishni rroba të gjera
Nëse keni vazhdimisht probleme me gjumin dhe nuk kuptoni se cili është shkaku, problemi mund të jetë veshja juaj e natës. Pizhamat e papërshtatëshme ose temperatura joe duhur në dhomë mund të shkaktojnë ulje të melatoninës që është edhe hormoni i gjumit.

Rrobat sa më të lira do ju ndihmojnë të keni një temperaturë ideale trupi dhe gjaku do të funksionojë më mirë./AgroWeb

11 Shtator, 2024 0 comments

Per Jete

Nga lodhja tek pavendosmëria, këto shenja tregojnë se keni nevojë të shkoni tek psikologu

by Revista Kosovarja 3 Shkurt, 2024

written by Revista Kosovarja

Vitet e fundit janë shtuar përpjekjet për të normalizuar takimin me psikiatrin apo psikologun rregullisht. Çdokush duhet ta ndërmarrë si hap edhe nëse nuk është në gjendjen më të rënduar emocionale.

Ka nga ata që duan ta nisin terapinë, por e shtyjnë pafundësisht, për shkak se janë në mëdyshje nëse duhet apo jo të shkojnë.

Megjithatë, përmes këtij artikulli,tregojmë simptomat që tregojnë se keni nevojë të nisni sa më shpejt me konsultat me ekspertët e shëndetit mendor.

Lodhje kronike, përqendrim i ulët dhe mendime negative

Simptomat e përmendura janë në fakt shumë të zakonshme dhe për këtë arsye shumica i shohin si reagim normal në situata stresuese, pa e marrë parasysh se mund të jenë sinjale të nevojës për terapi.

Ka momente kur të gjitha këto simptoma të ndikojnë në përditshmëri dhe pikërisht këtu situata del jashtë kontrollit.

Kritika të vazhdueshme ndaj vetes dhe vështirësi në marrje vendimesh

Edhe dy situatat e mësipërme jemi mësuar t’i konsiderojmë normale sepse i lidhim detyrimisht me pasiguritë e personalitetit, citon Anabel.

Si për t’i ushqyer edhe më shumë, i themi vazhdimisht vetes se nuk do ndryshojmë dhe kështu do jemi gjithmonë. Në të vërtetë asnjë pasiguri nuk vendos për ty dhe nuk ka asgjë që nuk ndryshon për të përmirësuar jetën dhe përditshmërinë tënde.

Terapia është pikërisht mënyra si e kupton dhe e vë në zbatim këtë.

3 Shkurt, 2024 0 comments

Per Jete

Mjeku tregon arsyen e vërtetë pse jemi vazhdimisht të lodhur

by Revista Kosovarja 6 Dhjetor, 2023

written by Revista Kosovarja

Lodhja është një problem me të cilin përballen shumë njerëz dhe në muajt e dimrit jemi më të ndjeshëm dhe plogësht se zakonisht. Fatkeqësisht, kjo mund t’i atribuohet një sërë çështjesh, nga sëmundjet kronike te rutinat e gjumit dhe të ushqyerit, duke e bërë të vështirë diagnostikimin e shkakut rrënjësor. Megjithatë, mjeku Eric Berg zbuloi në kanalin e tij në YouTube se në shumicën e rasteve shkaku i lodhjes është shumë më kompleks.

“Isha i lodhur për një pjesë të mirë të jetës sime dhe e kapërceva atë. Mbaj mend që vozisja me gruan time në fund të të 20-tave, plotësisht i rraskapitur, duke u përpjekur të gjeja një dyqan ushqimesh të shëndetshme ku mund të blija vitamina që do të më jepnin më shumë energji”.

Berg thotë se në të vërtetë kishte nevojë të kuptonte se si trupi i tij krijon energji.

“Gjithçka fillon me mitokondritë. Ato janë si një fabrikë energjie, thellë në qelizat tona. Nëse jeni të lodhur, mitokondritë janë rrënja e problemit. Për të furnizuar mitokondritë siç duhet, duhet të hani ushqimin e duhur”, shtoi ai, raporton Index.hr.

Ai thekson se është e vështirë të mos ndihesh i lodhur nëse menyja jonë e përditshme përbëhet kryesisht nga ushqime të përpunuara.

“Një ushqim i tillë nuk ka asnjë faktor energjetik apo ushqyes që na nevojitet”, theksoi ai.

Sipas Harvard Health, ushqimet që përmbajnë acide yndyrore dhe proteina, si mishi i pulës, gjelit të detit, salmoni, tuna dhe arrat, mund të ndihmojnë në prodhimin e energjisë. Për sa i përket vitaminave dhe mineraleve të rëndësishme, Berg veçoi vitaminat e grupit B, magnezin, manganin, selenin, vitaminën C dhe koenzimën Q10.

“Ushtrimi dhe ekspozimi ndaj ujit të ftohtë mund të ndihmojnë në prodhimin e energjisë”, përfundoi ai.

6 Dhjetor, 2023 0 comments

Per Jete

Pse jemi gjithmonë të lodhur

by Revista Kosovarja 10 Tetor, 2023

written by Revista Kosovarja

Ne të gjithë e përjetojmë lodhjen pas një dite të ngarkuar në punë apo pas një pune të rëndë fizike .

Megjithatë, shumë njerëz ndjenjë vazhdimisht lodhje pavarësisht aktivitetit të tyre ditor. Madje edhe atëherë kur bëhen të gjitha vlerësimet mjekësore dhe vërtetohet se nuk ekziston asnjë arsye mjekësore e cila e shpjegon lodhjen që ndjejmë. Megjithatë ajo vazhdon të jetë prezent.

Nëse shkaktarët e lodhjes nuk janë të natyrës mjekësore apo fizike atëherë përgjigjen duhet kërkuar tek faktorët psikologjik. Mendja dhe trupi janë në një ndërveprim shumë të ngushtë njëri me tjetrin aq shumë sa që shumica e njerëzve nuk e besojnë. Ndonjëherë problemet psikologjike mund të shndërrohen në probleme trupore aq shumë sa që është e pamundur të kuptohet se shkaku kryesor qëndron në bazën psikologjike të personit. Ndonjëherë ndodh edhe e kundërta p.sh problemet trupore si dhimbjet kronike etj mund të shndërrohen në problem psikologjike si ankthi apo depresioni dhe kështu mendja dhe trupi bëhen të pandashme në përpjekjen tonë për ta definuar një problem.

Kur marrim në konsideratë faktorët psikologjikë atëherë një ndër hapat e parë është edhe vlerësimi i jetës tonë të brendshme emocionale – që do të thotë se duhet shikuar më parë kualitetin sesa “vetë ngjarjen” e përvojave tona ditore. P.sh: t’a vlerësojmë si na bën të ndihemi një përvojë e jo vetëm ta përshkruajmë atë si ngjarje.

Pastaj është me rëndësi të kuptojmë sa jemi të lumtur së pari me jetën tonë, me punën tonë, si qëndrojnë marrëdhëniet tona me të tjerët , si ndjehemi ne me të tjerët në jetën tonë. A ndjehemi të përmbushur? Ndonjëherë lodhja dhe ndjenja e të qe-nurit “poshtë“ vjen si pasojë e ndjenjave të zbrazëtirës dhe mungesës së qëllimeve në jetë. Si përfundim vlerësoni sa jeni i kënaqur me jetën e juaj emocionale dhe psikologjike.

10 Tetor, 2023 0 comments

Per Jete

Kur ndiheni të lodhur, konsumoni këto ushqime

by Revista Kosovarja 4 Qershor, 2023

written by Revista Kosovarja

Mungesa e aktivitetit fizik, konsumimi i ushqimit jo të shëndetshëm dhe qëndrimi ulur në tryezën e punës për orë të tëra, ka një ndikim të keq në shëndetin tuaj.

Këto janë ushqimet që ju duhet të konsumoni nëse dëshironi të qëndroni në formë ndërsa punoni:

Për sytë – Përkundër faktit se progresi teknologjik po përparon me shpejtësi, qëndrimi ulur në kompjuterin tuaj ende i dëmton dhe i sforcon sytë tuaj.

Për t’i mbajtur sytë të shëndetshëm, duhet të hani produkte të pasura me yndyrna omega-3, luteinë, zink dhe vitamina A, C dhe E:

Barishte (sallatë, spinaq, zarzavate)
Vezë
Agrume
Manaferra
Arra dhe fara
Peshk me vaj (salmon, ton, troftë)

Për sistemin imunitar – Një zyrë është një vendi i përkryer për përhapjen e baktereve sepse shumë njerëz qëndrojnë në hapësirën e mbyllur për tërë ditën. Nuk është çudi që dikush me një të ftohur të thjeshtë mund të infektojë me lehtësi të gjithë të tjerët.

Parandalimi i sëmundjes nuk është i vështirë: ndiqni masat e zakonshme dhe hani sa më shumë produkte që nxisin sistemin tuaj imunitar:

Agrume
Speca të kuq
Brokoli
Hudhër
Xhenxhefil
Kivi
Papaja

Për rritjen e metabolizmit – Sa më shpejt të punojë metabolizmi juaj, aq më shumë kalori ju digjni. Punonjësit e zyrës që ulen për shumicën e ditës duhet ta ndihmojnë metabolizmin e tyre që të punojë në mënyrë efikase.

Produktet e mëposhtme do t’ju ndihmojnë të rritni metabolizmin tuaj dhe të mbani peshën normale të trupit:

Alga deti
Kafe
Çaj
Erëza (xhenxhefil, piper, kardamom)
Bathë
Mish pa dhjamë (pule, gjeldeti)

Për funksionimin e trurit – Ushqimi i mirë jo vetëm që ka një ndikim pozitiv në trupin tuaj, por edhe në funksionin e trurit tuaj. Truri është ndoshta mjeti kryesor i punës i punonjësve të zyrës.

Këto produkte do të ndihmojnë qelizat të funksionojnë sa më shpejt që të jetë e mundur dhe, si bonus, ato do të ngadalësojnë ndryshimet e lidhura me moshën:

Peshku me vaj (salmon, troftë)
Boronica
Arra dhe fara
Ushqime të pasura me fibra (qull, bukë gruri, oriz ngjyrë kafe)
Lëng shegë
Çokollate e zezë

Për zorrët – Sipas hulumtimit, kalimi i 10 viteve ose më shumë në një punë që kërkon qëndrim ulur pothuajse dyfishon rrezikun e disa llojeve të kancerit të zorrëve.

Mund të përpiqeni ta parandaloni këtë gjë duke bërë ushtrime të rregullta (edhe kur jeni në punë) dhe duke mbajtur një dietë të shëndetshme që përfshin ushqimet e mëposhtme:

Brokoli
Spinaq
Agrume
Manaferra
Ushqime të pasura me fibra (tërshërë, bukë, oriz ngjyrë kafe)

Gjithashtu duhet të përpiqeni të minimizoni sasinë e mishit të kuq dhe të përpunuar (si salsiçe dhe sallam) në ushqimin tuaj. Ata mund të rrisin rrezikun e kancerit kolorektal.

4 Qershor, 2023 0 comments

Shendetesi

10 ushqime për të parandaluar lodhjen gjatë ditës në Ramazan

by Revista Kosovarja 30 Mars, 2023

written by Revista Kosovarja

Gjatë muajit të Ramazanit, muslimanët përmbahen nga ngrënia dhe pirja nga agimi deri në muzg. Rituali islamik mund të jetë sfidues për shumë njerëz dhe mund t’i lërë ata që praktikojnë të ndihen më pak energjikë dhe më të dobët gjatë ditës.

Për të shmangur ndjenjën e plogështisë, është e rëndësishme të konsumoni ushqime të pasura me lëndë ushqyese që ofrojnë energji të qëndrueshme dhe parandalojnë dehidratimin.

Këtu janë 10 ushqimet që mund t’ju ndihmojnë të qëndroni energjikë gjatë Ramazanit:

Hurmat
Hurmat tradicionalisht konsumohen për të prishur agjërimin sepse janë një burim i shkëlqyer energjie, fibrash dhe mineralesh thelbësore si kaliumi, magnezi dhe hekuri. Ato përmbajnë gjithashtu sheqerna të thjeshta që sigurojnë energji të shpejtë për trupin.
Drithërat integrale: Drithërat integrale si orizi i kaftë, quinoa dhe tërshëra janë të pasura me karbohidrate komplekse, të cilat ofrojnë energji të qëndrueshme gjatë gjithë ditës. Ato përmbajnë gjithashtu fibra, të cilat ngadalësojnë tretjen, duke ju mbajtur të ndiheni të ngopur për më gjatë.

Thjerrëzat
Thjerrëzat janë një burim i mirë i proteinave dhe karbohidrateve komplekse, të cilat ofrojnë energji të qëndrueshme. Ato janë gjithashtu të pasura me hekur, i cili është i rëndësishëm për ruajtjen e niveleve të shëndetshme të gjakut.

Arrat
Arrat si bajamet, arrat dhe fëstëkët janë të pasura me proteina, yndyrna të shëndetshme dhe fibra, duke i bërë ato një rostiçeri ideale për energji të qëndrueshme. Ato përmbajnë gjithashtu vitamina dhe minerale të rëndësishme si magnezi, i cili ndihmon në rregullimin e niveleve të sheqerit në gjak.

Kosi
Kosi është një burim i mirë i proteinave dhe kalciumit, i cili është i rëndësishëm për ruajtjen e kockave të forta. Ai gjithashtu përmban probiotikë, të cilët mund të ndihmojnë në përmirësimin e shëndetit të zorrëve dhe rritjen e imunitetit.

Spinaqi
Perimet si spinaqi dhe brokoli janë të pasura me karbohidrate komplekse, fibra dhe vitamina dhe minerale thelbësore, duke i bërë ato një ushqim ideal për energji të qëndrueshme.

Pula dhe peshku
Proteinat pa yndyrë si mishi i pulës, peshku dhe tofu janë të pasura me aminoacide, të cilat janë të rëndësishme për ruajtjen e masës muskulore dhe promovimin e funksionit të shëndetshëm imunitar. Ato gjithashtu ofrojnë energji të qëndrueshme gjatë gjithë ditës.

Bananet dhe fruta të tjera
Frutat si bananet, portokallet dhe mollët janë të pasura me sheqerna natyrale dhe fibra, duke i bërë ato një ushqim ideal për energji të shpejtë. Ato përmbajnë gjithashtu vitamina dhe minerale të rëndësishme që mund të ndihmojnë në rritjen e imunitetit dhe parandalimin e dehidrimit.

Vezët
Vezët janë një burim i shkëlqyer i proteinave dhe i vitaminës D. Shijoni ato të fërguara, të ziera ose në një omëletë me shumë perime për t’u siguruar që do të qëndroni më energjikë dhe më të ngopur për më gjatë.
Patatet e ëmbla: Patatet e ëmbla janë të pasura me kalium, vitaminë A, C dhe B6. Qofshin të ziera, të pjekura apo të skuqura në ajër, ato mund të jenë një burim i shkëlqyer i karbohidrateve të shëndetshme.

30 Mars, 2023 0 comments

Shendetesi

Cilat janë simptomat e hiperprodhimit të hormonit të stresit?

by Revista Kosovarja 4 Mars, 2023

written by Revista Kosovarja

Kortizoli quhet hormoni i stresit – nëse niveli i tij është i lartë, do të thotë se trupi është në gjendje stresi.

Sipas endokrinologes Dr. Elvira Jausheva, kortizoli është hormon steroid që kryen shumë funksione në organizëm. Mund të çlirohet menjëherë në sasi të mëdha gjatë stresit, mendor apo fizik, prodhimi i tij është i nevojshëm që organizmi i njeriut të përballojë situata të tilla, shkruan Panacea.

Kortizoli është kryesisht përgjegjës për sigurimin e trupit me energji të mjaftueshme në rrethana të vështira – ai “fik” konsumin e energjisë nga sistemet që nuk varen nga ruajtja e jetës.

Sidoqoftë, nëse trupi lëshon shumë nga ky hormon, atëherë shfaqen probleme – në këtë rast, mjekët flasin për hiperkortizolizëm, i cili jo vetëm që manifestohet me simptoma të pakëndshme, por edhe përkeqëson shëndetin për një kohë të gjatë.

Simptomat e mëposhtme tregojnë mbiprodhim të kortizolit të hormonit të stresit:

Lodhja. Kortizoli rrit performancën e trupit dhe gjithashtu e tonifikon atë gjatë stresit. Nëse prodhimi i tij aktiv është afatshkurtër, ndihmon, por në afat të gjatë bëhet një barrë e rëndë. Trupi lodhet duke qenë vazhdimisht “në skaj” – shfaqet dobësia e muskujve, një ndjenjë e lodhjes së vazhdueshme fizike

Presioni i lartë i gjakut. Kortizoli i lartë e vë trupin në gatishmëri dhe përshpejton rrahjet e zemrës ose pulsin. Si rezultat, presioni i gjakut rritet.

Gjendje depresive. Bollëku i hormoneve të stresit ndikon në mënyrë të pashmangshme në botën tonë emocionale. Pasojat e hiperkortizolizmit mund të jenë shqetësimi i brendshëm, ndjenjat depresive, ndryshimet e humorit, tensioni, frika.

Shtim në peshë. Njerëzit mund të shtojnë peshë gjatë periudhave stresuese, edhe nëse hanë pak – hormonet e tyre të stresit dërgojnë sinjale që trupi duhet të përgatitet për periudha të këqija. Si rezultat, metabolizmi ngadalësohet – kështu që trupi përpiqet të kursejë energji si rezervë.

Problemet e lëkurës. Kur niveli i kortizolit në trup rritet, enët e gjakut që janë shumë të ndjeshme ndaj këtij hormoni vuajnë. Si rezultat i spazmave të tyre, tensioni dhe dëmtimi i tepruar, shfaqen mavijosje dhe gjithashtu përkeqësohet shërimi i plagëve.

4 Mars, 2023 0 comments

Shendetesi

Ndjeheni të lodhur dhe keni nevojë për pak gjumë? – Zgjidheni problemin

by Revista Kosovarja 19 Janar, 2023

written by Revista Kosovarja

Nëse jeni dembele, e ngadalshme dhe nga pak depresive, problemi qëndron te ngadalësimi i punës së tiroides, sëmundje që quhet hipotiroidizëm.

Tiroidja është gjëndër e vogël e cila gjendet në qafë dhe e cila kontrollon metabolizmin, shpejtësinë e lëvizjes së gjakut në organizëm.

Mosdiagnostikimi i sëmundjes së tiroides është një nga problemet më të përhapura shëndetësore te gratë, ndërsa shpesh as nuk jemi të vetëdijshme.

Sipas të dhënave të fondacionit amerikan për sëmundjet e tiroides, në moshë prej 60 vjeç, përafërsisht 17 për qind e grave ballafaqohen me sëmundjen e tiroidës, ndërsa shumica as që e dinë këtë.

Shkaktari më i shpeshtë është sëmundja e sistemit imunologjik, e njohur si Tiroiditi Hashimoto. Fjala është për sëmundjen tek e cila organizmi i shkatërron qelizat që e prodhojnë tiroksinën dhe hormonet e tjera të cilat i tajit tiroidja.

Pasojë e kësaj është metabolizmi i ngadalësuar.

Nëse gjëndra e tiroides nuk prodhon hormone të mjaftueshme, atëherë vihet re një ngadalësim i lëvizjeve, depresion, lodhje, lëkurë e thatë, ngërçe muskulore dhe shëndoshje.

Ndërsa shenjat e hipertiroides janë dobësim, nervozizëm, djersitje, rrahje të shpeshta të zemrës, dridhje, ankth, flokë dhe muskuj të dobësuar.

Testet e gjakut, T3 dhe T4 shfrytëzohen për zbulimin e gjendjes së hormonit të tiroides.

Nëse niveli i këtyre hormoneve në organizëm është i ulët, hormonet sintetike mund të përshpejtojnë funksionimin e tiroides, pas së cilës gratë do të duhej ndier veten shumë më mirë.

19 Janar, 2023 0 comments

Per Jete

Ndiheni të rraskapitur? Kjo ndodh më shumë gjatë dimrit dhe ka një arsye

by Revista Kosovarja 23 Nëntor, 2022

written by Revista Kosovarja

Me ardhjen e dimrit, drita e ditës ndryshon dhe po ashtu edhe temperatura.

Trupi fillon të përshtatet dhe ora biologjike ndryshon. Ka shumë ndryshime që ndodhin çdo stinë dhe për shkak se janë graduale mund të mos i kuptojmë edhe aq shumë. Në muajt e dimrit vërehet lodhje shumë më intensive (kryesisht psikologjike) dhe për këtë ka një arsye shumë të besueshme që lidhet me melatoninën, hormoni i prodhuar nga truri që rregullon gjumin.

Sa më shumë dritë të ekspozohet truri, aq më pak melatoninë sekreton dhe anasjelltas. Sa më shumë errësirë, aq më shumë melatoninë. Melatonina krijon pikërisht këtë ndjenjë të përgjumjes dhe lodhjes, dhe kur drita natyrale fillon të dobësohet në orët e pasdites, nivelet e melatoninës në tru rriten dhe “na thërrasin” për pushim dhe më shumë orë gjumë.

Ky fenomen është quajtur edhe lodhje sezonale, megjithatë është një reagim normal i organizmit të ndihet më i lodhur dhe i përgjumur në muajt e dimrit.

Por çfarë mund të bëni për të eliminuar këtë situatë?

Zgjohuni dhe flini në të njëjtën kohë, çdo ditë. Orari i gjumit është i pari dhe më kryesorja për t’u marrë me lodhjen sezonale.

Qëndroni në rrezet e diellit për aq kohë sa të mundeni. Për shembull, nëse punoni nga shtëpia, zgjidhni ballkonin tuaj në vend të dhomës së ndenjes, në mënyrë që të merrni sa më shumë dritë.

Gjumi pasdite për energji. Nëse ndiheni të rraskapitur, përpiquni të flini për një orë pasdite, në mënyrë që të jeni në humor më të mirë dhe me më shumë energji për pjesën tjetër të mbrëmjes.

Planifikoni vaktet tuaja. Ushqyerja nuk mund të mungonte këtu, pasi është edhe një faktor përcaktues për ndjenjën e lodhjes. Mundohuni të hani vaktet tuaja në të njëjtën kohë çdo ditë dhe mbani një ekuilibër.

23 Nëntor, 2022 0 comments

Aktuale

Arsyeja kryesore përse ndiheni të lodhur gjatë javës

by Revista Kosovarja 21 Nëntor, 2022

written by Revista Kosovarja

Nëse ndiheni të lodhur gjatë gjithë kohës, atëherë duhet të dini se ka një shpjegim shkencor për këtë gjë. Dr Karan Raj, ka zbuluar një arsye të zakonshme pse njerëzit ndihen të pafuqishëm dhe flenë gjumë vazhdimisht.

Sipas tij, e gjithë kjo ka të bëjë me atë që quhet “ora e trupit”. Trupi i njeriut krijon në mënyrë natyrale hormone, të cilat na bëjnë të ndihemi të përgjumur, varësisht ndriçimit të dritës jashtë.

Dr Raj shpjegoi se nëse jeni të lodhur gjatë gjithë kohës, atëherë kjo mund të ndodhë si pasojë se flini vonë gjatë fundjavës dhe zgjoheni gjithashtu vonë, sepse përpiqeni të rifitoni gjumin që keni humbur gjatë ditëve të javës. Gjumi nuk funksionon në këtë mënyrë. Trupi juaj e adhuron rutinën. Ai ju tregon se kur duhet të zgjoheni dhe kur duhet të flini. Nëse vazhdoni të ndryshoni orarin e gjumit, atëherë do të ndiheni të lodhur dhe të përgjumur për pjesën më të madhe të kohës.

Nuk është gjë e mirë për shëndetin nëse vazhdoni të flini, kur trupi ju jep sinjalet se është koha për t’u ngritur dhe e anasjellta, zgjoheni kur trupi ka ende nevojë për gjumë.

Sipas doktorit nuk duhet ta ndryshoni rutinën tuaj të gjumit, ose do ju duhet të përballeni me pasojat. Problemet me gjumin mund të shkaktojnë edhe probleme me peshën, mund të ndryshojë nivelin e hormoneve në trup dhe mund të rrisë rrezikun e aksidenteve rrugore apo të sëmundjeve të shëndetit mendor.

Në mënyrë indirekte, ndryshimi i rutinës së gjumit mund të shkaktojë ndryshime në trup, të cilat mund të jenë edhe vdekjeprurëse. Nëse nuk i kushtoni rëndësi kohës së pushimit të trupit, mund të përballeni edhe me diabetin, kancerin, sindromën e e lodhjes kronike dhe me problemin e gjumit.

21 Nëntor, 2022 0 comments

Per Jete

Luftoni aneminë dhe lodhjen me gështenja, të gjitha vetitë dhe përfitimet e frutit të vjeshtës

by Revista Kosovarja 27 Tetor, 2022

written by Revista Kosovarja

Gështenjat janë kudo në tryezat tona këtë vjeshtë. Të pasura me fibra, acid folik dhe minerale, ato rriten në pemë dhe në vendin tonë janë më të pëlqyera gështenjat e Tropojës por edhe ato të zonës së Korçës dhe Pogradecit.

Gështenjat janë të shijshme dhe të gjithanshme në kuzhinë. Ato mund të përgatiten në shumë mënyra: të pjekura në zjarr, të ziera, të gatuara në furrë ose në mikrovalë, ose mund të bëhen pjesë e shumë pjatave me mish ose peshk.

Gështenjat, të gjitha vetitë e frutave të stinës

Të pasura me karbohidrate (dhe, rrjedhimisht, kalori), gjatë një vakti ato mund të zëvendësojnë një pjesë të makaronave ose bukës. Vlera e tyre energjetike i bën të shkëlqyera për të luftuar stresin dhe lodhjen dhe gjithashtu kundër ndikimit të muajve të dimrit, duke vepruar si një tonik natyral. Ky frut vjeshte përmban hekur dhe për këtë arsye është i dobishëm për ata që vuajnë nga anemia. Përveç kësaj, prania e acidit folik (ose vitaminës B9) i bën ato një ushqim të rekomanduar gjatë shtatzënisë për një zhvillim të shëndetshëm të fetusit.

Nuk duhet harruar as kontributin që japin për sa i përket fibrave: rekomandohet shumë, pra, për ata që vuajnë nga kapsllëku. Por kini kujdes me gatimin: nëse mbeten të papërpunuara, mund të bëhet e vështirë tretja e tyre ose shkaktimi i gastritit. Duke qenë pa gluten, gështenjat janë perfekte për ata që vuajnë nga celiakia. Nuk është rastësi që nga gështenjat del një miell i shkëlqyer për t’u përdorur në përgatitjen e pjatave të ndryshme të ëmbla dhe të shijshme.

Shumë përfitime, por edhe disa rekomandime: duke pasur parasysh marrjen e rëndësishme të kalorive, ato nuk rekomandohen për njerëzit me diabet, kolit apo obezitet. Në çdo rast, kushtojini vëmendje porcioneve: këshilla është të mos i kaloni 100 gram nëse i zieni ose 60 gram nëse i preferoni të pjekura.

27 Tetor, 2022 0 comments

Shendetesi

Ndjeni lodhje, atëherë duhet t’i merrni këto vitamina

by Revista Kosovarja 27 Korrik, 2022

written by Revista Kosovarja

Lodhja kryesisht ndërlidhet vetëm me qëndrimet deri vonë në mbrëmje dhe me mungesë të gjumit.Megjithatë në shumë raste mund të jetë simptomë e anemisë, e cila ndodh kur njerëzit kanë mungesë të vitaminave dhe mineraleve të caktuara.

Anemia është sëmundje ku personi ka shumë pak qeliza të kuqe të gjakut ose sasi shumë të ulët të hemoglobinës në çdo qelizë të kuqe të gjakut, kjo mund të ndërlidhet me shumë shkaktarë, duke përfshirë edhe mungesën e vitaminës B12 dhe hekurit.

Vitamina B12 përfshihet në krijimin e qelizave të kuqe të gjakut dhe e mban sistemin nervor të shëndetshëm, si dhe liron energji nga ushqimi.Mungesa e kësaj vitamine mund ta shkaktojë trupin të prodhojë qeliza të kuqe të gjakut me madhësi anormale të cilat nuk mund të funksionojnë siç duhet.

Gjithashtu, mungesa e kësaj vitamine sjell me veti shumë simptoma, ku njëra prej kryesoreve është lodhja e tepërt dhe mungesa e energjisë.Shikimi i turbullt, depresioni dhe dobësimi i aftësive mendore janë gjithashtu simptoma të mungesës së kësaj vitamine.

Këtë vitaminë mund ta merrni përmes mishit, salmonit, qumështit, djathit, vezëve, por edhe në formët ë suplementit. Sipas ekspertëve shëndetësorë, të rriturve u nevojiten rreth 1.5 mikrogramë vitaminë B12 në ditë.Në anën tjetër, hekuri gjithashtu luan rol të rëndësishëm në prodhimin e qelizave të kuqe të gjakut.

Përveç që shkakton lodhje dhe mungesë të energjisë, mungesa e hekurit shkakton edhe probleme me frymëmarrje, rrahje të çrregullta të zemrës dhe lëkurë të zverdhur.

Ekspertët shëndetësorë këshillojnë që meshkujt mbi moshën 18 vjet dhe femrat mbi moshën 50 vjet të marrin 8.7 miligramë hekur në ditë. Ndërkaq femrave të moshës 19 deri 50 vjet u nevojiten 14.8 miligramë hekur në ditë sepse humbja e gjakut nga menstruacionet mund të shpijë në mungesë të hekurit në trup.

27 Korrik, 2022 0 comments

Per Jete

Ushqimi që duhet ta hani kur jeni i lodhur

by Revista Kosovarja 8 Korrik, 2022

written by Revista Kosovarja

Dekstroza ose glukoza ofron mundësi për largimin e lodhjes ditore, iu mundëson sheqer të mjaftueshëm që e rrit sasinë e energjisë dhe ndihmon në koncentrim, por shkencëtaret kanë ardhur në përfundim se të njëjtin efekt e ka edhe banania.

Shkencëtarët thonë se edhe një sasi e vogël e glukozës në organizëm është e dëmshme dhe se çdo sasi e tepruar shndërrohet në masë yndyrore.

Daniela Krell nga një organizatë gjermane “Verbraucherzentrale Bayern”, këshillon marrjen e energjisë së mjaftueshme më një banane.

“Bananja përmban edhe hidrate që e mundësojnë më gjatë të mbajë energjinë dhe gjithashtu është e pasur me vitamina dhe minerale”, ka shtuar Krell.

Për largimin e lodhjes preferohet edhe të konsumohet nje drekë e shëndetshme, disa lloje te bukës me fara integrale dhe një përbërje homogjene nga pemët e ndryshme.

8 Korrik, 2022 0 comments

Shendetesi

Kjo mungesë hormoni mund të shkaktojë lodhje, ankth dhe mjegull të trurit

by Revista Kosovarja 7 Korrik, 2022

written by Revista Kosovarja

“Të paktën 90 për qind e grave që shoh në klinikën time vuajnë nga lodhja dhe simptoma të tjera të lodhjes për shkak të testosteronit të ulët”, thotë gjinekologu Shawn Tassone.

Pavarësisht reputacionit të tij si një hormon mashkullor, testosteroni luan një rol vendimtar në funksionin e trurit të femrës, rregullimin e humorit dhe më shumë.

Por prodhimi i hormonit te gratë bie me 50 për qind nga mosha 20 deri në 40 vjeç, duke shkaktuar simptoma si lodhje, mjegull të trurit dhe ankth.

Por Dr. Tassone thotë se edhe nivelet në fund të “normales” mund të shkaktojnë lodhje. Dhe duke pasur parasysh se sa të zakonshme janë deficitet, të gjitha gratë mund të përfitojnë duke rritur marrjen e vitaminës D.

7 Korrik, 2022 0 comments

Shendetesi

Ja çfarë duhet të bëni pas lodhjes dhe depresionit gjatë verës

by Revista Kosovarja 6 Korrik, 2022

written by Revista Kosovarja

Ndjesia e lodhjes na shoqëron në një pjesë të madhe të jetës.

Puna, shkolla, angazhimet familjare dhe miqësore mund të bëhen nxitës të rregullt të lodhjes.

Të qenit të lodhur herë pas here nuk është shkas për shqetësim, por lodhja e vazhdueshme lë pasoja në organizëm.

7 Arsyet Përse Ndiheni Të Lodhur Gjithë Kohës
Anemia
Lodhja e shkaktuar nga anemia vjen si rezultat i mungesës së rruazave të kuqe të gjakut.

Këto të fundit transportojnë oksigjenin nga mushkëritë në inde e qeliza.

Anemia shkaktohet nga mungesa e hekurit, vitaminave, humbja e vëllimit të gjakut, gjakderdhja, artriti, tumoret dhe problemet me veshkat.

Përveç lodhjes së vazhdueshme, anemia shoqërohet me vështirësi në fjetje, mungesë përqendrimi, rrahje të shpejta zemre, dhimbje në kraharor dhe të kokës.

Lexoni këtu nga AgroWeb.org për ushqimet më të mira kundër anemisë.

Dehidratimi
Nëse njeriu nuk pi ujë për një kohë të gjatë do të ndihet më i lodhur dhe më i acaruar.

Dehidratimi afatgjatë ka një ndikim domethënës në nivelet e energjisë dhe tek humori.

Studimet, të ciave u referohet AgroWeb.org thonë se truri tkurret kur mungojnë lëngjet.

Përveç lodhjes, dehidratimi shfaqet me simptoma të tjera siç është mjegullimi i trurit, enjtje e gishtave, dhimbje koke dhe tharje të lëkurës.

Sigurohuni që të pini ujë vazhdimisht.

Tiroidja
Kur hormonet e tiroides dalin jashtë normales, një aktivitet i rëndomtë ditor mund të duket drobitës.

Tiroidja prodhon hormone që kontrollojnë metabolizmin.

Nëse ndiheni të lodhur vazhdimisht, bëni një analizë të tiroides sa më parë.

Diabeti
Më shumë se një milion njerëz në botë diagnostikohen çdo vit me diabetin e tipit 2.

Shumë të tjerë as nuk e dinë që e kanë këtë sëmundje e cila shfaqet edhe nëpërmjet ndjesisë së lodhjes së vazhdueshme.

Trupi ka nevojë për glukozë që të punojë.

Diabetikët nuk e pëpunojnë glukozën siç duhet, gjë që shkakton akumulim të saj në gjak.

Pa energjinë e mjaftueshme për mbarëvajtjen e punëve në organizëm, trupi has vështirësi dhe lodhet shpejt.

Përveç lodhjes, diabeti shfaqet edhe me etje të tepërt, uri, rënie në peshë, irritim, infeksione dhe mjegullim të shikimit.

Depresioni
Depresioni ka ndikim në mënyrën se si flemë, ushqehemi dhe ndihemi për veten dhe të tjerët.

Kjo sëmundje shteron energjitë, prish gjumin dhe stilin e ushqyerjes.

Njerëzit që bien në depresion kanë probleme me kujtesën, përqendrimin, ndihen të pashpresë, pa vlerë dhe kanë mendime negative.

Nëse ndiheni të lodhur, të mërzitur, në ankth, pa humor, pa oreks, pa interes për gjëra që dikur ju kanë sjellë gëzim, të irrituar, me dhimbje koke, ndjenja faji, atëherë vizitohuni menjëherë tek një mjek.

Lexoni këtu për kurat natyrale kundër depresionit, ankthit dhe stresit.

Apnea E Gjumit
Apnea e gjumit është një çrregullim që shkakton ndërprerje të përkohshme të frymëmarrjes.

Ndërprerja e saj prish gjumin dhe si rrjedhojë zgjimi është gjithnjë i lodhshëm dhe pushimi i mangët.

Ky çrregullim sinjalizohet edhe nga gërrhitjet dhe më pas shkakton lodhje të vazhdueshme si pasojë e ndërprerjes së shpeshtë të gjumit.

Apnea e gjumit mund të shkaktojë sëmundje të zemrës, të rrisë tensionin e gjakut dhe isheminë.

AgroWeb.org ju këshillon të kontaktoni mjekun tuaj në rast se vini re një lodhje të pazakontë.

Vitaminat dhe mineralet
Përpiquni të konsumoni ushqime me kalium, magnez, vitaminë B12 dhe B6.

Konsumoni spinaq, avokado, fara kungulli dhe luledielli, fasule, bizele, fruta të thata, banane, drithëra, vezë.

Terapitë
Nga të dhënat e AgroWeb.org disa nga trajtimet më të mira të Sindromës së Lodhjes Kronike janë një kombinim i aktivitetit fizik dhe terapisë psikologjike.

6 Korrik, 2022 0 comments

Per Jete

Pse ndihemi të lodhur?

by Revista Kosovarja 18 Maj, 2022

written by Revista Kosovarja

Nëse ndiheni vazhdimisht të lodhur kohët e fundit, duhet të vizitoni mjekun tuaj dhe përmes analizave për të përcaktuar nëse keni mungesë të një lënde të caktuar ushqyese.

Dietologia Lindsey Klein, argumenton se ekziston një lëndë ushqyese që luan një rol në parandalimin e lodhjes që nuk është asgjë më shumë se fibra.

“Megjithëse fibrat nuk japin energji, ato ndihmojnë në rregullimin e energjisë”, thotë ai.

Ekzistojnë dy lloje të fibrave, të tretshme dhe të patretshme

Fibrat e tretshme mund të gjenden në ushqime të tilla si tërshëra, fasulet, thjerrëzat, perimet, frutat dhe drithërat, thithin ujin, fryhen dhe krijojnë një substancë të ngjashme me xhel që ndihmon sistemin tretës.

Kur fibrat e tretshme janë të pranishme, ato ngadalësojnë shpejtësinë me të cilën sheqeri hyn në qeliza. Kjo ndihmon për të mbajtur të qëndrueshme nivelet e sheqerit në gjak.

Pa fibra të tretshme, Klein thotë se nivelet e sheqerit në gjak priren të rriten dhe të bien, gjë që mund të çojë në luhatje të ngjashme në nivelet tuaja të energjisë. Por thekson se keni nevojë edhe për fibra të patretshme; të dyja janë thelbësore për tretje të mirë.

“Fibrat janë gjithashtu të pasura dhe kanë një efekt të mirë”, thotë Klein. Kjo do të thotë më pak uri dhe më shumë aftësi për t’u fokusuar në detyra të tjera. Kur i siguroni trupit tuaj kalori dhe fibra të mjaftueshme, truri juaj nuk do të mendojë “kur është vakti im i radhës. Kjo do të më lejojë të fokusohem në momentin e tanishëm”.

Çfarë të hani?

Dardha me djathë ricotta, mjaltë dhe kanellë

Dardha është një burim i shkëlqyer i të dy llojeve të fibrave dhe 29 për qind e përmbajtjes totale të fibrave të tyre vjen nga fibra e tretshme. Djathi është plot me proteina, si dhe selen, kalcium dhe acide yndyrore omega-3 dhe omega-6. Kanella e spërkatur sipër nuk shton vetëm ëmbëlsinë, ajo ndihmon në mbajtjen e nivelit të sheqerit në gjak, gjë që, siç e dini, është çelësi për të shmangur lodhjen.

Hurma të thata me gjalpë kikiriku

Ka kaq shumë nxitje energjie në këta dy përbërës të thjeshtë. Të dyja janë të pasura me fibra, ndërsa gjalpi i kikirikut është i lartë në proteina dhe yndyrna të shëndetshme.

Avokado në bukë integrale, feta molle, djathë feta, mjaltë dhe rukola

Klein thotë se kjo është një nga përpjekjet e saj të preferuara personale për të luftuar lodhjen. Avokadot, buka integrale, fetat e mollës dhe rukola janë të gjitha të pasura me fibra. Avokado kremoze dhe djathi feta janë të pasura me proteina dhe yndyrna të shëndetshme.

18 Maj, 2022 0 comments

Per Jete Shendetesi

Ndiheni të lodhur, shkaktarë mund të jenë këto ushqime

by Revista Kosovarja 6 Maj, 2022

written by Revista Kosovarja

Ndërsa pini kafe për t’u zgjuar, ka ushqime që bëjnë të kundërtën: Këto ushqime ju lodhin, transmeton albora.ch.

Shumë ushqime që konsumojmë çdo ditë na lodhin. Sheqeri dhe mielli i bardhë janë në krye të listës, shkruan vayamo.

Mishi i yndyrshëm

Për ushqimin që është i vështirë për t’u tretur, trupi duhet të shpenzojë shumë energji, gjë që e bën atë të lodhur. Veçanërisht mishi i yndyrshëm është i vështirë për t’u tretur. Është mirë të shmangni mishrat e përpunuar si proshutë, sallam.

Avokadot

Frutat dhe perimet janë në fakt të shëndetshme dhe të mira. Vetëm nëse doni të qëndroni zgjuar, nuk duhet të merrni disa lloje. Avokadot, për shembull, ju lodhin shpejt sepse përmbajnë aminoacidin triptofan. Kjo stimulon prodhimin e melatoninës së hormonit të gjumit.

Bananet

Bananet janë të pasuruara edhe me triptofan, prandaj edhe ato kanë një efekt lodhës. Prandaj, ato janë fruti i përsosur i mbrëmjes: trupi konverton triptofanin në hormonin e gjumit melatonin, i cili siguron një natë të qetë.

Arrat

Arrat janë të shëndetshme, por janë të pasura me yndyrë. Prandaj, ato janë të vështira për t’u tretur nga trupi, gjë që i merr shumë energji.

Arrat në veçanti nxisin shumë gjumin.

Ëmbëlsirat

Përmbajnë shumë sheqer, i cili pengon oreksinën e hormonit të zgjimit kur konsumohet me tepricë. Pra, ëmbëlsirat na bëjnë të lodhur dhe të dëshpëruar.

Miell i bardhë

Karbohidratet janë të rëndësishme për trupin sepse sigurojnë energji. Megjithatë, të ashtuquajturat karbohidrate të shpejta, të cilat gjenden në produktet e miellit të bardhë, si buka e thekur apo makaronat, kanë efekt të kundërt: bëjnë që niveli i sheqerit në gjak të rritet me shpejtësi, por sapo bie sërish, pason një lodhje e madhe. Drithërat integrale ose perimet, nga ana tjetër, përmbajnë karbohidrate komplekse, me zinxhir të gjatë që ofrojnë energji afatgjatë.

Fasulet dhe thjerrëzat

Për shkak se fasulet dhe thjerrëzat përmbajnë shumë fibra, ato janë të vështira për t’u tretur. Mund të ndodhë fryrje dhe tretja e trupit tonë të tendoset, gjë që mund të çojë në lodhje. Përveç kësaj, fasulet përmbajnë shumë vitamina B dhe acid folik, me ndihmën e të cilave nxitet prodhimi i serotoninës në trupin tonë. Serotonina është një bllok themelor ndërtues për prodhimin e melatoninës së hormonit të gjumit.

6 Maj, 2022 0 comments

Shendetesi

Nëse keni lodhje duhet t’i ndiqni këto këshilla

by Revista Kosovarja 27 Prill, 2022

written by Revista Kosovarja

Që nga mëngjesi e deri në mbrëmje shpesh ankohemi që nuk kemi energji.

Rikthimi i energjisë
Ndiheni të pangopur me gjumë dhe nuk mendoni dot për asgjë tjetër përveç se rehatisë së shtratit? Ndiqni këshillat e mëposhtme të listuara nga AgroWeb.org që të transformoni trupin tuaj dhe të gjallëroni mendjen.

Lëvizni

Vetëm 10 minuta ecje dhe do të ndiheni energjikë për të paktën 2 orë, thonë studimet.

Provoni shtriqjen

Qëndroni në prag të derës me këmbët e ndara pak centimetra. Përpiquni të kapni pjesën e sipërme të derës.

Mbajini gishtat të puthitur fort dhe ngrijeni kraharorin lart deri sa të ndieni shtriqjen e trupit. Qëndroni në atë pozicion për 30 sekonda.

Kjo metodë stimulon sistemin nervor, që është më aktivi, ndaj do të kuptoni menjëherë rikthimin e energjisë në trup dhe në tru.

Aktiviteti fizik
Të dhënat tregojnë se 60% e njerëzve ndihen më energjikë pas stërvitjes ose aktivitetit fizik.

Hani shëndetshëm
Studimet kanë treguar se acidet yndyrore Omega-3 përmirësojnë funksionet e trurit, humorin dhe janë thelbësorë kundër plogështisë së mesditës.

Energjia do ushqim
Nëse dëshironi të përmirësoni energjinë tuaj çdo ditë, zëvëndësoni proteinat shtazore me ato bimore. Proteinat bimore janë të dobishme për bakteret e mira në aparatin tretës dhe forcojnë imunitetin. Ato kanë aftësinë të përmirësojnë humorin. AgroWeb.org do t’ju tregojë një menu të thjeshtë për ditën ideale.

Mëngjesi: Një lëng me fruta pylli. Përzieni në mikser gjysmë gote me fruta pylli, avokado dhe dhe një gotë qumësht soje. Ky lëng do t’ju plotësojë nevojën për fibër dhe proteina dhe do të mbajë nivelet e sheqerit në gjak të qëndrueshme deri në drekë.

Dreka: Supë me thjerëza dhe sallatë jeshile. Thjerëzat dhe sallata jeshile janë një kombinim fantastik që ofron proteina, fibër, hekur, kalium, zink, folat dhe shumë të tjera.

Zemra: Fruta dhe arrorë. Kjo dyshe fantastike përbën ekuilibrin e duhur të karbohidrateve, proteinave dhe yndyrnave që do ju japin fuqi deri pasdite.

Darka: Perime. Kombinoni pak fasule, sallatën jeshile, domatet, avokadon në një pite të hollë misri. Ky është një vakt i lehtë që nuk do t’ju prishë gjumin. Duhet të hani të paktën 2 orë përpara gjumit.

Mos e injoroni lodhjen!

Ndonjëherë gjumi nuk mjafton për të zgjidhur problemin e lodhjes. Më poshtë, do të gjeni disa shpjegime mjekësore për energjinë e munguar.

Anemia. Kjo sëmundje shfaqet kryesisht te femrat. Anemia ndodh kur organizmi nuk ka mjaftueshëm qeliza të kuqe gjaku të shëndetshme që të transportojnë oksigjenin. Nëse analizat e gjakut tregojnë se vuani nga anemia atëherë duhet të shtoni dozën e suplmenteve të hekurit.

Sëmundja e celiakisë. Një nga simptomat kryesore të kësaj sëmundjeje është lodhja. Kjo sëmundje shkaktohet nga reagimet imunitare ndaj dëmit që shkakton gluteni në sistemin tretës. Nëse analizat e gjakut sugjerojnë se vuani nga kjo sëmundje, terapia më e mirë janë ushqimet pa gluten.

Sëmundjet e zemrës. 70 përqind e njerëzve që kanë vuajtur nga një atak në zemër, kanë treguar se kanë përjetuar një lodhje të pazakontë, pothuaj një muaj përpara goditjes.

Hipotiroidizimi. Nëse organizmi nuk prodhon mjaftueshëm hormonin e tiroides, atëherë do të përjetoni një lodhje dhe këputje të vazhdueshme. Ky çrregullim mund të trajtohet me mjekime, sipas këshillës së mjekëve.

27 Prill, 2022 0 comments

Shendetesi

Ky lloj i ushqimit mund të jetë arsyeja pse ndiheni të lodhur

by Revista Kosovarja 15 Prill, 2022

written by Revista Kosovarja

Një studim i ri, rezultatet e të cilit janë publikuar në revistën Nutrients, ka konfirmuar se një nga fajtorët kryesorë për një ndjenjë të fortë lodhjeje mund të jetë vetëm mishi i përpunuar.

Për studimin, autorët mblodhën 20 të rinj në moshë madhore, të cilët kishin ekzaminuar mikrobiotën e tyre të zorrëve për të parë se sa ndikon ajo në shëndetin mendor dhe lodhjen, si dhe në nivelet e energjisë dhe lodhjes.

Ata mësuan se mishi i përpunuar është i vetmi ushqim që shoqërohet me ndryshime në nivelet e energjisë – ka një lodhje mendore të dobët ose të fortë.

“Mësuam se njerëzit që konsumojnë më shumë mish të përpunuar do të thonë se ndjejnë nivele normale të lodhjes mendore. Është shumë sfiduese të gjesh shkakun e drejtpërdrejtë mes mishit të përgatitur në këtë mënyrë dhe lodhjes, ne kemi gjetur një lidhje, por nuk e dimë saktësisht se si ndikon një ushqim i tillë në lodhje”, tha autori i studimit Ali Boolani.

15 Prill, 2022 0 comments

Per Jete

Shkaqet e lodhjes dhe përgjumjes

by Revista Kosovarja 1 Prill, 2022

written by Revista Kosovarja

Shpesh mund të përballeni me një lodhje të befasishme, përgjumje dhe energji të ulët dhe shkaqet se përse kjo gjendje shfaqet janë të shumta.

Gjumë i pamjaftueshëm
Gjumi i pakët mund të ndikojë negativisht në përqendrimin dhe shëndetin tuaj.

Bëjeni gjumin prioritet, ndaloni qëndrimin në kompjuter, telefonat celularë dhe televizor të paktën një orë para gjumit.

Nëse ende keni probleme kërkoni ndihmë nga një mjek.

Apnea e gjumit
Apnea e gjumit ndalon për një kohë të shkurtër frymëmarrjen gjatë natës.

Kështu edhe pse keni kaluar tetë orë në shtrat, gjumi juaj nuk ka qënë i qetë dhe kjo mund të sjellë lodhje dhe përgjumje gjatë ditës.

Mbipesha dhe duhani janë dy nga shkaktarët e zakonshëm, ndaj përpiquni t’i eleminoni ato.

Nuk ushqeheni shëndetshëm
Një regjim ushqimor i ekuilibruar ndihmon në mbajtjen e sheqerit në gjak në nivele normale dhe parandalon ndjesinë e plogështisë kur sheqeri bie.

Konsumoni gjithmonë mëngjes dhe përpiquni të përfshini proteina dhe karbohidrate komplekse në çdo vakt.

Anemia
Anemia është një nga shkaqet kryesore të lodhjes tek gratë, për shkak të humbjes së gjakut nga menstrunaconet që mund të shkaktojë mungesë hekuri.

Për aneminë e shkaktuar nga mungesa e hekurit, suplementet e hekurit dhe ushqimet e pasura me hekur, mund t’ju ndihmojnë.

Depresioni
Lodhja, dhimbja e kokës dhe humbja e oreksit janë ndër simptomat më të zakonshme të depresionit.

Nëse ndiheni të lodhur dhe “të rënduar” për më shumë se disa javë, vizitoni mjekun tuaj.

Hipotiroidizmi
Tiroidja kontrollon metabolizmin tuaj, shpejtësinë me të cilën trupi konverton ushqimin në energji.

Kur gjëndra është joaktive dhe metabolizmi funksionon shumë ngadalë, mund të ndiheni të plogësht dhe të shtoni peshë. Në këtë rast këshillohet një vizitë mjëkësore.

Kafeina
Edhe pse për shumë njerëz kafeina është një pije që rrit energjinë dhe vigjilencën, për disa të tjerë ndodh e kundërta.

Në këtë rast rekomadohet të reduktoni gradualisht pijet dhe ushqimet me kafeinë, pasi ndalimi i menjëhershëm mund të shkaktojë edhe më shumë lodhje.

Infeksion i traktit urinar
Në disa raste, lodhja mund të jetë e vetmja shenjë e një infeksioni të fshehur urinar. Në këtë rast këshillohet të flisni me mjekun tuaj.

Diabeti
Nëse keni lodhje të vazhdueshme dhe të pashpjegueshme, këshillohuni me mjekun tuaj për t’u testuar për diabet.

Trajtimet mund të përfshijnë ndryshime në stilin e jetës dhe të ushqyerit, terapi me insulinë dhe medikamente për të ndihmuar trupin të përpunojë sheqerin.

Dehidratimi
Lodhja juaj mund të jetë shenjë e dehidrimit dhe sheja e parë e dehidrimit është etja. Këshillohet të pini mjaftueshëm ujë gjatë gjithë ditës.

Alergjitë ushqimore
Nëse lodhja juaj intensifikohet pas ngrënies, mund të keni një intolerancë të lehtë ndaj diçkaje që keni konsumuar.

Provoni të eliminoni ushqimet një nga një për të parë nëse lodhja juaj largohet ose të pyesni mjekun tuaj për një test alergjie ushqimore.

1 Prill, 2022 0 comments

Per Jete

Këto 5 zakone ju bëjnë të ndiheni gjithmonë të lodhur dhe pa energji

by Revista Kosovarja 10 Mars, 2022

written by Revista Kosovarja

Këto 5 zakone ju bëjnë gjithmonë të ndiheni të lodhur dhe me energji zero.

Të menduarit tepër

Ne i kthejmë normalitetet në ndërlikime. Të mendosh është mirë, por ta bësh tepër nuk është mirë, të harxhon energjinë. si fizike ashtu edhe mendore. Mendimi i tepërt nuk do t’ju sigurojë atë që dëshironi, por të menduarit dhe veprimi do të bëjë magjinë.

Struktura e paqëndrueshme e gjumit

Ekziston një mënyrë e mirë për të fjetur, një model i mirë i gjumit. Ju keni tendencë të mbani modelin jokonsistent të gjumit si rezultat i shumë aktiviteteve që dëshironi të bëni duke qëndruar në shtrat ose divan, edhe kur pushoni. Shtypja e telefonit, leximi në të njëjtën kohë kur shtriheni në shtrat për të pushuar, do t’ju zbrazë energjinë.

Hani ushqime të thata

Ka njerëz që gjithmonë shkojnë për të ngrënë ushqime të shpejta, dhe zakonisht ato janë ushqime të thata. Ky është një zakon tjetër që njerëzit e praktikojnë duke mos ditur që ua heq energjinë mendore dhe fizike. Ushqimet e thata kanë vetëm lëndë ushqyese të vogla të një diete të ekuilibruar. Ka një arsye pse ekziston një dietë e ekuilibruar, ato shërbejnë për çdo qelizë në trupin tuaj që të funksionojë aq mirë. Mungesa e ushqyesve mund të krahasohet me mungesën e gjakut, ju e dini se çfarë do të ndodhë. Po kështu mungesa e ushqyesve si rezultat i ushqimeve të shpejta do të harxhojnë energjitë tuaja.

Jetesa në të kaluarën

Një nga mënyrat më të lehta për t’u lodhur është rikujtimi i së kaluarës tuaj, gjatë gjithë kohës. Duke mos qenë i ndërgjegjshëm për të, e kaluara juaj do t’ju marrë përsipër, atëherë ndiheni sikur nuk bëni asgjë. Megjithëse se nuk keni bërë ndonjë aktivitet të rëndë fizik, përsëri do të ndiheni të lodhur. Asgjë nuk ka rëndësi për ju dhe ju dorëzoheni lehtë, pak e dini se energjia juaj emocionale po zbrazet, dhe kjo do të ndikojë në jetën tuaj fizike dhe shoqërore.

Njerëzit negativë

Shoqëria juaj me njerëzit pozitivë do ta ushqejë energjinë tuaj, ndërsa shoqëria juaj me njerëzit negativë vetëm do t’i shterojë energjinë tuaj. Jini të vetëdijshëm për kompaninë që mbani, a e keni parë veten duke u veshur lehtë? A dremit gjithnjë? Sa herë nxehesh në ditë? Përgjigjuni saktë këtyre pyetjeve. Shikoni përreth jush dhe merrni parasysh njerëzit që janë kryesisht përreth jush.

10 Mars, 2022 0 comments

Newer Posts

Older Posts