Në Kuvendin e Kosovës, ka pasur një përplasje mes kryeparlamentares Albulena Haxhiu dhe deputetit të PDK-së, Ferat Shala, pasi ky i fundit kërkoi të marrë fjalën.
Fillimisht Haxhiu i kërkon të mos shkojë te foltorja sepse nuk mund ta marrë fjalën, pasi sipas saj nuk i takon, raporton Klankosova.tv
“Mos ndodhë me u çu pa ta jep fjalën se nuk e merr”, i thotë Haxhiu, Shalës.
Megjithatë, Shala shkon te foltorja, por s’i jepet fjala dhe vazhdon të debatojë me Haxhiun, derisa nuk dëgjohet asgjë sepse mikrofonat nuk janë të lëshuar.
“Ulu në vend të lutem deputet, ulu se nuk e merr fjalën, pa ta jep fjalën. Kjo punë u kry. Uluni në vend, kur ta jap fjalën e merr fjalën, përndryshe nuk e merr fjalën. Kjo nuk ka të bëjë më inate” – i thotë Haxhiu tutje, transmeton Klankosova.tv
Në fund, Shala kthehet në vendin e vet, ndërsa fjala i jepet kryetarit të partisë, Bedri Hamza.
