Një tërmet i fortë me magnitudë paraprake 6.9 ka goditur Filipinet Qendrore rreth orës 22:00 me orën lokale, sipas njoftimit të Shërbimit Gjeologjik të Shteteve të Bashkuara (USGS).
Tërmeti goditi në një thellësi të cekët prej rreth 10 kilometra nën ujë, gjë që rrit mundësinë e dridhjeve të forta në tokë.
Epiqendra e lëkundjes ndodhej nën ujë, në perëndim të qytetit Palompon, duke rritur frikën për pasoja të rënda jo vetëm nga tronditjet, por edhe nga një cunami i mundshëm.
Rajoni është gjithashtu një destinacion i njohur turistik, me Boholin e njohur për Kodrat e Çokollatës dhe plazhet me rërë të bardhë.
Autoritetet vendase dhe qendrat sizmologjike po monitorojnë situatën, ndërsa banorët e zonës bregdetare janë paralajmëruar për mundësinë e valëve të larta dhe dëmeve strukturore nga lëkundjet e forta.
Aktualisht nuk ka raportime të menjëhershme për viktima apo dëme materiale, por situata mbetet në zhvillim.
Filipinet shtrihen përgjatë kufijve sizmikisht aktivë të Pllakës Detare Filipinase, e cila ka prodhuar disa nga tërmetet dhe cunamet më vdekjeprurëse në botë.
Midis tyre: tërmeti dhe cunami i Gjirit Moro të vitit 1976 që vranë më shumë se 5,000 njerëz, dhe tërmeti i Luzonit të vitit 1990, i cili la 2,400 të vdekur.
