Teuta Krasniqi tregon pse nuk i bleu asgjë Adonisit këtë vit

Aktorja e njohur kosovare, Teuta Krasniqi, ishte pjesë e “Ftesë në 5” me Bieta Sulon pasditen e sotme.

Tetori në familjen e saj është një muaj festiv për shkak të ditëlindjeve të shumta të familjarëve.

2 javë më parë bashkëshorti i saj, Adonis, festoi 39 vjetorin. E pyetur nga Bieta për dhuratën, Teuta tregoi hapur se këtë vit nuk pati dhuratë.

Aktorja pranoi se fillimisht ishte e pavendosur se çfarë duhej t’i blinte, e më tej me kërkesën e të shoqit vendosën që këtë vit të mos kishte shpenzime dhurate. Megjithatë Teuta pranoi se po mendon një surprizë të madhe për vitin e ardhshëm.