Këngëtari shqiptar, Shpat Kasapi, i cili ndërroi jetë ditën e djeshme (e mërkurë) pas një sulmi në zemër, ka marrë vëmendje ndërkombëtare.
Tabloidi i njohur britanik, The Mirror, i ka dedikuar një artikull për kontributin e tij në muzikën shqiptare dhe për karrierën që la pas.
Veç tij, kanë shkruar edhe media të famshme gjermane e zvicerane, si nderim për jetën dhe hitet që ka realizuar ndër vite.
I njëjti ndodhej në Itali bashkë me partneren e tij, Selvije Jao dhe djalin e tyre, Roel.
Kasapi ishte i njohur për hitet e tij dhe ndikimin e madh në skenën muzikore shqiptare, duke fituar zemrat e publikut me këngët e tij dhe stilin unik.
Humbja e tij ka tronditur fansat dhe komunitetin artistik, të cilët e kujtojnë me dashuri dhe respekt.
Detajet e tjera dhe procedurat e varrimit do të zbulohen në vazhdim. /Telegrafi/
