Kosova në gjendjen siç është tani, ka nevojë për zgjedhjen e presidentit fuqiplotë.
Janë disa arsye që koalicioni aktual nuk po mund t’i futet kësaj sprove, meqë presidenti i ri është bërë sfidë për parlamentin.
Aktualisht, është AAK, e cila prish punë për zgjedhjen e presidentit dhe marrëveshja nuk është aspak e lehtë.
Matematika, është bukur e vështirë, por nuk është e paarritshme. Që kjo të ndodh, duhet pajtueshmëri e Ramush Haradinajt për të hequr dorë nga kandidatura.
Pse duhet të ndodh një marrëveshje e partive për ta dhënë një president koncesual, në mënyrë që vendi të bëhet me president dhe qeveria të fitojë më shumë legjitimitet dhe kredobilitet?
Besohet se LDK dhe PDK e NISMA, nuk kanë problem për zgjedhjen e presidentit. Topi është te Ramushi, i cili po këmbëngul për presidencën.
AAK, do të mjaftojë t’i ketë deputetët në seancën solemne kur të votohej presidenti. Seanca do të duhej t’i kishte të paktën 80 deputetë brenda në sallë, në mënyrë që pas dy dështimeve me dy të tretat e votave parlamentare, presidenti të votohej në raundin e tretë me të paktën 61 vota.
Votimi i presidentit nuk mund të fillohet proceduralisht pa praninë e 80 deputetëve. Nëse Ramush Haradinaj nuk do të jetë kandidat, besohet se ai do t’i nxjerr jashtë deputetët e AAK-së e nëse kjo ndodh, në sallë do të mbeten 74 deputetë, cka don të thotë se nuk mund të nis seanca fare.
Sipas asaj që dihet deri më tani, AAK do të tërhiqet nga salla për ta pamundësuar zgjedhjen e presidentit, nëse ky do të ishte kandidati PDK-së.
Zgjedhja e presidentit nga PDK, do të ishte një garantues i shumëfishtë për vendin.
Një, sepse PDK do të hynte në qeveri dhe do ta përforconte pozicionin e qeverisë në raport me proceset e jashtme dhe të brendshme.
Dy, do t’i jepte kredibilitet moral dhe institucional qeverisë Hoti, nëse PDK merr disa ministri.
Për vendin më e leverdishme është që PDK të futet në qeveri duke marrë presidencën dhe hisen qeverisëse, sesa AAK të fitojë postin e presidentit.
AAK, nuk e shpëton qeverinë Hoti nga rrëzimi, edhe nëse Ramushi bëhet president.
PDK e shpëton qeverinë Hoti nga rrëzimi .
Ramush Haradinaj, ishte bërë kryeministër i qeverisë, me gatishmërine e PDK-së që mbajti burrëri dhe qëndrim që dicka që mund ta merrte për vete, t’i lente liderit të AAK-së.
Zgjedhjen e një presidenti nga koalicioni aktual e ka sugjeruar edhe analisti politik për Ballkanin, Daniel Server, profesor pranë Universitetit Gjon Hopkins në Uashington, pasi analizon disa ecuri të Kosovës që lidhen me bisedimet e caktuara Kosovë-Serbi për datën 10 dhjetor.
Daniel Server,nuk preferon shkuarje në zgjedhje të reja dhe thotë tekstualisht se edhe pas shkruarjes në Hagë të Hashim Thacit e Kadri Veselit, Kosova ka njerëz eminent për bisedime me Serbinë. Safet Krivaca /Kosovarja /