Trangujt turshi kanë më shumë vitaminë A se trangujt e freskët. Trangujt e ëmbël në veçanti janë shumë të pasur me këtë vitaminë. Një racion ofron 1,169 njësi të vitaminës A ose 39 përqind të dozës ditore për burrat dhe 50 përqind të dozës ditore për gratë.
Një racion me feta tranguj turshi ofron 284 njësi të vitainës A ndërsa trangujt e freskët ofrojnë 109 njësi të kësaj vitamine për çdo racion. Vitamina A ndihmon në zhvillimin e qelizave të reja, rregullon funksionet e tiroides dhe ndihmon shëndetin e syve.
Përgatitja e trangujve turshi
3 tranguj të mëdhenj, (ose 1 kg tranguj të vegjël)
2 thelpinj hudhër
pak majdanoz
1 lugë e mesme kripë (për një kavanoz)
1 lugë e madhe uthull
pak limon
ujë të valuar
Procesi
Për këtë recetë na duhen dy kavanoza në madhësi mesatare.
Sipas dëshirës, trangujt nëse janë të mëdhenj i presim në rrathë, në rast se marrim tranguj të vegjël i lëmë siç janë. Pasi i kemi pastruar, për të dyja versionet e madhësisë së trangujve veprojmë njëlloj.
Më pas, trangujve u hedhim hudhër, majdanoz, kripë, uthull.
Pasi të jetë mbushur kavanozi, u hedhim sipër ujin e valuar, derisa të mbulohen përbërësit.
Më pas secilit prej kavanozave hedhim edhe disa pika limoni. Më pas, kavanozat i mbyllim fort dhe i lëmë për dy ditë në një vend të errët. Pas dy ditësh i fusim në frigorifer dhe janë gati për tu konsumuar.
