Tre persona të lënduar në aksidentin në Veternik

Tre persona kanë pësuar lëndime në aksidentin e sotëm në rrugën Prishtinë-Ferizaj, saktësisht në lagjen “Veternik” në Prishtinë.

Lajmin e ka konfirmuar zëdhënësja e policisë për Rajonin e Prishtinës, Florie Ahmeti.

“Rreth orës 15:00 ka ndodhur aksident trafik në rrugën Prishtinë-Ferizaj, (Veterrnik). Në aksident janë përfshirë tri automjete. (Dy kamionë dhe një veturë)Si pasojë e aksidentit lëndime trupore kanë pësuar tre persona, të cilët janë dërguar për tretman mjekësor”, ka deklaruar Ahmeti.

Ajo bëri të ditur se me rastin po merret njësiti i trafikut.