Tre persona të lënduar nga aksidenti mes tri veturave në Prishtinë

Tre persona kanë mbetur të lënduar nga një aksident trafiku që ka ndodhur mes tri veturave në Prishtinë, raporton Gazeta Express.

Aksidenti ka ndodhur sot rreth orës 16:40 në rrugën ‘Enver Maloku’.

Lajmin e ka konfirmuar për Gazetën Express, zëdhënësi i Policisë së Kosovës, për rajonin e Prishtinës, Agron Borovci.

“Sot rreth orës 16:40, në rrugën “Enver Maloku” në Prishtinë, është raportuar për një aksident rrugor në mes të tri automjeteve. Bazuar në të dhënat fillestare nga vendi i ngjarjes, si pasojë e këtij aksidentit, ndihmë mjekësore kanë kërkuar tre persona. Njësia policore e trafikut ka dalë në vendin e ngjarjes dhe ka nisur një hetim lidhur me shkaqet që kanë sjellë deri te ky aksident”, ka thënë Borovci.