Shtatë persona me koronavirus janë duke u trajtuar në Klinikën Infektive të QKUK-së. Tre raste janë në gjendje më të rënduar në trajtim me oksigjenoterapi dhe përkujdesje intensive, ku dy prej tyre janë duke u trajtuar në Mjekimin Intensiv.
Këto të dhëna janë bërë të ditura nga Klinika Infektive në QKUK.
Po ashtu, sot lirohen nga klinika 3 pacientë në gjendje të mirë shëndetësore për vetizolim në shtëpi.
Njoftimi i plotë:
RAPORT NGA KLINIKA INFEKTIVE QKUK
Prishtinë, 19 maj 2020
Në Klinikën Infektive të QKUK, sot më 19/05/2020, gjenden të hospitalizuar 11 pacientë.
Prej tyre, të sëmurë me Covid -19 janë gjithsej 7 pacientë.
Nga 7 pacientë të infektuar me Covid 19:
• 4 raste janë në gjendje stabile;
• 3 raste janë në gjendje më të rënduar në trajtim me oksigjenoterapi dhe përkujdesje intensive (2 prej tyre janë duke u trajtuar në Mjekimin Intensiv).
Sot lirohen nga klinika 3 pacientë në gjendje të mirë shëndetësore për vetizolim në shtëpi, ndërsa vazhdon trajtimi I një pacienti, i cili ka rezultuar negativ në testimet e fundit për Covid -19.
(Burimi: Klinika Infektive; Autor: Dr. S. Namani)
