71
Presidenti amerikan, Donald Trump, ka paralajmëruar se Iranit “po i mbaron koha” që të arrijë një marrëveshje.
“A e mbani mend kur i dhashë Iranit dhjetë ditë për të bërë një marrëveshje ose për ta hapur Ngushticën e Hormuzit. Koha po mbaron – 48 orë para se ferri të bie mbi ta”, shkroi Trump në Truth Social.
Ndryshe, sa i përket rrëzimit të aeroplanit amerikan në Iran, Trump ka deklaruar se nuk do të ndikojë në negociata.
Megjithatë, ai refuzoi të diskutonte specifikat e përpjekjeve të vazhdueshme të kërkim-shpëtimit në Iran.
Ndër tjera, shprehu zhgënjim në lidhje me disa nga mbulimet e asaj që është qartësisht një operacion ushtarak intensiv dhe i ndjeshëm.
