Fondi i Kurimeve Pensionale i Kosovës, ka njoftuar se për t’u bërë i mundur propozimi për tërheqjen e dhjetë përqind të kurimeve pesnionale duhet ndryshuar ligji.
“Kontribuues të nderuar, një njoftim sqarues i Ministrisë së Financave lidhur me kompensimin e 10%-shit ka qarkulluar tashmë nëpër media dhe ka bërë që të krijohet përshtypja e qytetarëve sikur tashmë lejohet tërheqja e kursimeve pensionale nga Trusti.
Informacioni i dhënë në atë sqarim nuk është i plotë”, thuhet në njoftim.“Jua konfirmojmë se për t’u bërë i mundur propozim-plani i Qeverisë për 10%-shin duhet patjetër të ndryshohet ligji në fuqi për fondet pensionale në Kosovë. Ky ligj, siç dihet, mund të ndryshohet vetëm nga Kuvendi i Kosovës, dhe deri tek ai ndryshim ka procedura për t’u kryer”.
Njoftimi i plotë:
SQARIM
Kontribuues të nderuar, një njoftim sqarues i Ministrisë së Financave lidhur me kompensimin e 10%-shit ka qarkulluar tashmë nëpër media dhe ka bërë që të krijohet përshtypja e qytetarëve sikur tashmë lejohet tërheqja e kursimeve pensionale nga Trusti. Informacioni i dhënë në atë sqarim nuk është i plotë.
Jua konfirmojmë se për t’u bërë i mundur propozim-plani i Qeverisë për 10%-shin duhet patjetër të ndryshohet ligji në fuqi për fondet pensionale në Kosovë. Ky ligj, siç dihet, mund të ndryshohet vetëm nga Kuvendi i Kosovës, dhe deri tek ai ndryshim ka procedura për t’u kryer.Andaj, lutemi që të prisni njoftimin tonë për hapat e mëtutjeshëm.PRA, JUA PËRSËRISIM, 10%-SHI ENDE NUK MUND TË TËRHIQET SEPSE NUK KA NDRYSHUAR LIGJI!
