Legjenda e boksit amerikan, Mike Tyson, nuk është parë duke boksuar që një kohë të gjatë. Mediat ndërkombëtare kanë publikuar një video ku Tyson shihet duke ushtruar para tifozëve para një meçi që do ta zhvillojë më vonë.
Tyson do të boksojë në ring ndaj youtuberit që u bë boksier profesionist, Jake Paul, meç që do të zhvillohet në Arlington më 15 nëntor.
Pamjet e legjendës së boksit duke ushtruar kanë bërë xhiron e botës, pikërisht për shkak të nostalgjisë për kohët e vjetra që sjellë pamja ikonike e Tysonit.
Ylli i “YouTubes” ka bilanc prej dhjetë fitoresh e një humbjeje në boks. Shtatë prej fitoreve i ka me nokaut. Ka shënuar fitore ndaj një numri të luftëtarëve të MMA dhe boksierëve më pak të njohur.
Mike Tyson është njëri prej boksierëve më të njohur në histori. Ka 50 fitore, prej tyre 44 me ndërprerje. I ka edhe gjashtë humbje, pesë me ndërprerje. Legjenda Tyson nuk ka boksuar që nga viti 2005.
Të hyrat financiare nga ky meç do të jenë shumë të mëdha. Dhjetëra miliona dollarë do të përfitojnë dy boksierët.
