Një ndër viktimat e koronavirusit në Angli është dhe një taksist 56 vjeçar i shëndetshëm.
Pas ngjarjes së rëndë vajza e tij, ka deklaruar se kontakti i vetëm që babai i saj i ndjerë kishte me njerëzit, ishte nëpërmjet parasë në dorë.
Sipas saj kjo është e vetmja mënyrë se si ai mund të jetë infektuar me COVID-19, i cili i mori edhe jetën.
Viktima, Spencer Kurash, punonte shofer taksie prej 22 vitesh dhe simptomat e para të koronavirusit i ndjeu më 18 mars ku dhe u vetëizolua në shtëpinë e tij.
Por gjendja e tij u përkeqësua shumë shpejt dhe mjekët nuk mundën t’a shpëtonin atë pavarësisht përpjekeve të bëra.
Rikujtojmë se në Angli numri i viktimave nga COVID-19 ka shkuar në 1.019 njerëz, dhe zyrtarisht të infektuar janë 17.089 shtetas.