Një grua infektoi të paktën 71 persona me koronavirus pasi përdori ashensorin për herë të parë, sipas studiuesve.
E infektuara u kthye në shtëpi në provincënj Heilongjiang, Kinë, nga një udhëtim në Shtetet e Bashkuara më 19 mars – tetë ditë pasi shteti raportoi rastet e para me Covid-19, shkruan The Independent.
Ajo nuk kishte asnjë simptomë të sëmundjes dhe testoi negativ për virusin, por u izolua vetëm në shtëpi, sidoqoftë, bënë me dije studiuesit në revistën e Qendrave Kineze për Kontrollin dhe Parandalimin e Sëmundjeve.
Gruaja nuk e përdori ashensorin me askënd tjetër – por fqinji i saj në katin e poshtëm e përdori atë në një moment pas saj, i cili më pas ifnektoi 71 persona.
Studiuesit më vonë konstatuan se udhëtarja duhet të kishte kontaminuar ashensorin përgjatë kontaktit me të.
Studiuesit nga Qendrat Kineze për Kontrollin dhe Parandalimin e Sëmundjeve shkruajtën: “Ne besojmë se [udhëtarja] ishte një transportuese asimptomatik dhe se [fqinji në katin e poshtëm] u infektua nga kontakti me sipërfaqet në ashensorin në ndërtesën ku ata të dy jetuan.
“Rezultatet tona ilustrojnë se si një infeksion i vetëm asimptomatik Sars-CoV-2 mund të rezultojë në një transmetim të gjerë në komunitet”.
