“Unë i kam thënë Granitit se nëse është shtetase suedeze, do të zbulohet rasti”

Po vazhdon seanca gjyqësore kundrejt Naim Murselit, Granit Plavës dhe Kushtrim Kokallës, të dyshuar për vrasjen e Liridona Ademajt.

Pas dëshmisë së mjekut ligjor, para trupit gjykues po dëshmon Jeton Binaku, qiradhënësi i veturës.

Ai ka rrëfyer detaje nga biseda që pati me Plavën.

“I kam thanë Granitit pasi ka ndodh rasti shqiptari me lanë, me mytë gruan e me ikë nuk e ka traditë.”, deklaroi ai.

“Unë i kam thënë Granitit se nëse është shtetase suedeze, do të zbulohet rasti. Kam thënë se në Prishtinë ka shumë kamera dhe rasti mund të zbulohet”, shtoi ai.

Gazetarja e Insajderit, e cila po e përcjell seancën nga afër, bëri me dije se në pjesën e dytë të saj do të dëgjohen edhe dëshmitë e Hasan Hasanaj dhe Naim Sadikut.