Nënkryetari i Partisë Demokratike të Kosovës dhe kandidati për deputet, Uran Ismaili bashkë me gruan e tij kanë votuar në shkollën “Ismail Qemaili”, në Prishtinë.
Ai tha se zgjedhjet ua mundësojnë qytetarëve të shprehin vullnetin e tyre përmes votës.
“Mendoj që po shpresoj që do të jetë një proces zgjedhor çfarë e meriton Kosova. Që të jetë një proces zgjedhor që kalon pa asnjë problem, që kalon pa telashe, me një sistem që ua mundëson qytetarëve tanë të shprehin vullnetin e tyre, që të zgjedhin në formë demokratike. Dhe me këtë rast dëshiroj të ftoj të gjithë qytetarët e Republikës së Kosovës që ta shfrytëzojnë të drejtën e tyre për votë, që të dalin të votojnë, ngase kjo është një ditë ku forcohet demokracia, forcohen institucionet e vendit, u jepet mundësi të krijohen institucione të reja të vendit, dhe si e tillë është një e drejtë që duhet ta gëzojë dhe duhet ta shfrytëzojë secili qytetar. Andaj shpresoj që qytetarët tanë sot do t’i përgjigjen me numër të madh të votave, që të dalim të gjithë ta shfrytëzojmë të drejtën tonë dhe ta krijojmë mundësinë të kemi institucione të reja të Kosovës”, tha Ismaili.
