Një zyrtar ushtarak izraelit tha në një konferencë të shtunën mbrëma se më shumë se 100 dronë ishin nisur drejt Izraelit nga Irani.
Drejtimi i tyre ndaj Izraelit po gjurmohet dhe po ndërmerren të gjithë hapat e nevojshëm për të mbrojtur vendin, shtoi zyrtari.
Zyrtari tha se Izraeli po vëzhgonte “aparatet” e tjera që Irani mund të lëshonte gjithashtu, raporton CNN.
“Ne po ndjekim edhe aftësitë e tjera që Irani ka në këtë moment. Nuk mund të konfirmoj asgjë pozitive në lidhje me municionet e tjera përtej dronëve, dronëve shpërthyes që Irani ka nisur ndaj nesh”, tha zyrtari.
Zyrtari shtoi se dronët pritej të mbërrinin në orët në vijim. Dhe më shumë valë dronësh ishin të mundshme më vonë, shtoi zyrtari.
“Ne kemi një qëndrim shumë të fortë mbrojtës për të adresuar çdo gjë që fluturon drejt Izraelit”, shtoi zyrtari.
