Vajza e yllit televiziv Kim Kardashian, North West, të cilën e ka me ish-burrin e saj, reperin Kanye West, ka veshur për Krishtlindje një xhaketë të babait të saj.
Të martën, Kim ka ndarë në Instagram disa fotografi të festës që ajo bëri në shtëpinë e saj për Krishtlindje. Në këtë postim ajo tregoi se çfarë kanë veshur për këtë festë ajo dhe fëmijët e saj.
“E dini, North ka shkuar për të shikuar nëpër arkiva dhe zgjodhi xhaketën që babi i saj kishte veshur në MET”, ka treguar Kim.
Xhaketën që kishte veshur North, Kanye e kishte veshur në tepihun e kuq të ngjarjes më të madh të modës që mbahet në Muezun Metropolitan të Artit në New York, MET Ball.
Atë vit tema e ballos ishe “Manus x Machina, Fashion In An Age Of Technology” dhe reperi bashkë me Kimin kishin zgjedhur veshje vezulluese me shkëlqim metalik.
