Vdekja e tre të rinjve kosovarë në Luksemburg, Ramosaj: Lajm i rëndë, na tronditi të gjithëve

Kryetari i Deçanit, Bashkim Ramosaj ngushëllon familjen e tre të rinjve kosovarë që vdiqën në aksidentin në Luksemburg.

Ramosaj përmes një postimi në Facebook tha se ky ishte një lajm i rëndë që i tronditi të gjithë.

“Një lajm tepër i rëndë na tronditi të gjithëve, dy vëllezërit nga Isniqi, Ujkan dhe Ukë Bajraktaraj, si dhe i riu Edonik Kastrati nga Peja, humbën jetën tragjikisht në Luksemburg”.

“Në këto momente të dhimbshme, u shpreh ngushëllimet më të sinqerta familjeve Bajraktaraj e Kastrati, si dhe të gjithë të afërmve të tyre, duke u lutur që Zoti t’u japë forcë e durim për ta përballuar këtë dhembje”, ka shkruar Ramosaj.