132
Një ngjarje tronditëse ka ndodhur këtë pasdite në qytetin e Selanikut, ku një burrë 50-vjeçar ka vrarë motrën e tij 59-vjeçare, dhe më pas ka telefonuar vetë policinë për të rrëfyer krimin.
Ngjarja ndodhi rreth orës 15:00, në një apartament në rrugën Alexandria, në zonën Charilaou. Sipas informacioneve paraprake, burri ka përdorur një qese plastike për të mbytur motrën e tij, duke i shkaktuar vdekjen në vend, raporton TCH.
Policia ka mbërritur menjëherë në vendngjarje, ku ka konstatuar vdekjen e viktimës dhe ka arrestuar autorin në flagrancë.
Burime nga policia greke kanë bërë të ditur se 50-vjeçari dyshohet të ketë probleme të shëndetit mendor, por hetimet janë ende në fazën fillestare.
