Viktima e cila humbi jetën si pasojë e rrëshqitjes së ortekut të borës në Brezovicë, është një 54-vjeçare.
Burimet e IndeksOnline brenda policisë kanë konfirmuar se viktima është grua ndërsa ka nënshtetësi të huaj.
Në momentin kur ka rrëshqitur orteku, ajo ka qenë duke skijuar së bashku me burrin e saj.
Lajmin për vdekjen e gruas e ka konfirmuar pak çaste më parë edhe zëdhënësi i Policisë së Kosovës për Rajonin e Ferizajt, Kanun Veseli.
“Më datë 13.02.2024, rreth orës 15:35, kemi marrë një informacion se një person dyshohet se ka mbetur i vdekur gjatë skijimit në Qendrën e Skijimit në Brezovicë, në vendin e quajtur “Foleja e Shqiponjës”. Dyshohet se shkak i këtij incidenti ka qenë rrëshqitja e një orteku të borës”, ka deklaruar Veseli për IndeksOnline.
Ekipet e policisë dhe ekipe të kërkim shpëtimit janë atje dhe për informata tjera do të njoftoheni në kohë reale./IndeksOnline/