Komisioni Qendror i Zgjedhjeve (KQZ), është duke mbajtur mbledhjen e radhës e ku është duke u diskutuar rreth certifikimit të partive politike për pjesëmarrje në zgjedhjet e 14 shkurtit. Drejtori i Zyrës për Certifikimi të partive politike ka njoftuar se katër parti politike kanë lajmëruar në KQZ, se do t’i mbajnë listat e kandidatëve ashtu siç kanë qenë, pra pa ndryshime.
“Në orën 16:00 pas këtij njoftimi jemi njoftuar nga katër subjekte politikë që do ti mbajnë listat e kandidatëve ashtu siç i kanë pasur në fillim, si në vijim: Vetëvendosje, Nisma, PSAK dhe AAK”, ka thënë ai.
Pra sipas Buleshkajt, këto lista do të jenë siç janë paraqitur në fillim në KQAZ, pavarësisht që disa kandidatëve nuk u është lejuar kandidmi.
Ai shtoi se në hapësirat në broshura ku mungojnë emrat do të hijezohen ato me qëllim që të evitohen gabimet nga qytetarët.
