Melisa, influencuesja e njohur shqiptaro-boshnjake e cila numëron miliona ndjekës në profilin e saj në Instagram, duket se ka lënë pas statusin “single”.
Së fundmi, rrjeti po zien nga lajmi i ri i cili konfirmon se 23-vjeçarja është në një romancë të re dashurie, dhe këtë herë gjithçka është e konfirmuar me pamje.
Zbulimi i lidhjes nuk erdhi nga vetë bukuroshja, por nga partneri i saj. Djali muskuloz ka ndarë një video në platformën TikTok, ku tregon rutinën e tyre duke u stërvitur së bashku në palestër. Krahas videos, mbishkrimi “Kur stërvitesh me të dashurën tënde” dhe etiketimi i drejtpërdrejtë i llogarisë së Melisës, i kanë vënë vulën kësaj lidhjeje duke mos lënë më vend për dyshime.
Kujtojmë se jeta romantike e Melisës ka qenë në qendër të vëmendjes së mediave rozë edhe gjatë verës që lamë pas. Ajo mori një vëmendje të madhe si protagonistja kryesore në videoklipin e këngës hit “Harrom” nga Butrint Imeri. Paraqitja e saj në klip bëri që të përflitej gjerësisht për një lidhje të mundshme dashurie mes saj dhe këngëtarit të njohur.
Megjithatë, zërat për një romancë me Butrintin nuk zgjatën shumë. Këto thashetheme u demantuan përfundimisht nga emisioni ynë përmes rubrikës “E vërtetë, e pavërtetë”, ku sqaruam se mes tyre nuk kishte asgjë më shumë se një bashkëpunim profesional.
Tashmë, me atë kapitull të mbyllur, Melisa duket se po e shijon hapur këtë lidhje të re dashurie.
