Ditën e djeshme ndërroi jetë legjenda e futbollit, Diego Armando Maradona.
Sot bëhet e ditur se ka dalë autopsia e vdekjes dhe mediat argjentinase shkruajnë se 60-vjeçari vdiq në gjumë, pas një ataku në zemër.
Dy javë më parë Maradona la spitalin, pas operacionit për të hequr një mpiksje gjaku në tru.
Qeveria e Argjentinës ka njoftuar se do të mbajë tre ditë zie kombëtare për ndarjen nga jeta të legjendës së futbollit Diego Armando Maradona.
Qirinj të shumtë janë ndezur pranë stadiumit “San Paolo”, përpara murales së Maradonës, ndërsa së fundi presidenti De Laurentiis ka propozuar që emri i legjendës argjentinase të vihet edhe në impiantin sportive të Napolit.
Maradona ka shkruar historinë në periudhën 1984-1991, kur ka fituar edhe dy tituj kampionë në Itali.