Zjarr në Klinë të Epërme të Skenderajt, shuhet nga zjarrfikësit dhe banorët

Një zjarr ka përfshirë lagjen Tahiraj në Klinë të Epërme të Skenderajt, duke rrezikuar disa shtëpi.

Siç raporton Klan Kosova në vendngjarje kanë dalë zjarrfikësit, të cilët së bashku me banorët kanë arritur ta shuajnë flakën dhe të parandalojnë përhapjen e zjarrit.

Rreziku për shtëpitë ka qenë i madh, por fatmirësisht flakët janë lokalizuar në kohë dhe nuk ka pasur dëme të mëdha.