147
Një grua në Suharekë ka marrë lëndime trupore, pasi është sulmuar nga vëllai i burrit të saj, i cili është zyrtar në Policinë e Kosovës.
Sipas një burimi të Reporteri.net, polici ka qenë jashtë detyrës kur e ka sulmuar kunatën.
“Gruaja është goditur me derën e hyrjes nga vëllai i burrit të saj, zyrtar policor jashtë detyrës me të cilin jetojnë në një shtëpi në kate të ndara”, ka thënë ky burim.
Sipas tij, viktima ka pësuar lëndime në këmbën e djathtë dhe ka marrë tretman mjekësor në QKMF Suharekë.
Rasti është duke u hetuar nga Inspektorati Policor i Kosovës.
