13 shkurti – Dita Ndërkombëtare e Radios

Të dielën e 13 shkurtit shënohet Dita Ndërkombëtare e Radios.

Kjo ditë është shpallur nga UNESCO me qëllim për të promovuar radion si medium dhe të gjita mundësitë që ajo ofron.

Data 13 është zgjedhur pasi në të njëjtën, në vitin 1946, Radio e Kombeve të Bashkuara ka emetuar programin e parë.

Ish-sekretari i përgjithshëm i Organizatës së Kombeve të Bashkuara (OKB), Ban Ki-Moon, pati thënë se radioja argëton, edukon, informon si dhe ndihmon në popullarizimin e ndryshimeve demokratike në të gjithë globin.