Çifti i njohur i ‘showbiz’-it, Eliza Taylor dhe Bob Morley, të cilët janë njohur në serialin “The 100”, do të bëhen prindër për herë të parë.
Lajmin e ka bërë të ditur Eliza Taylor në llogarinë e saj të Instagramit, me një foto që tregonte se familja e tyre do të bëhej më e madhe.
“Udhëtimi ynë drejt shtatzënisë nuk ka qenë gjithmonë i qetë, por jemi të lumtur t’ju njoftojmë se dhurata jonë e vogël është zyrtarisht drejt rrugës“, shkroi aktorja në Instagram.
Lajmi emocionues vjen gati një vit pasi Bob dhe Eliza pësuan një abort në vitin 2019. Çifti, i cili foli për përvojën e tyre gjatë një kongresi të shkurtit nw vitin 2020, shpjegoi se megjithëse procesi ishte “zemërthyes”, ata kishin plane të provonin përsëri.
Rikujtojmë se dy muaj pas sezonit të gjashtë të “The 100”, i cili përfundoi në 2019-tën, fansat u ‘tërbuan’ pasi zbuluan se Bob dhe Eliza ishin martuar dhe i kishin thënë “po” njëri-tjetrit.
“U martova me mikun tim më të mirë dhe shpirtin binjak [Bob Morley]. Ne jemi shumë të lumtur dhe kërkojmë që të respektoni privatësinë tonë në këtë kohë“, shkroi Eliza në Twitter në qershor 2019.
View this post on Instagram
Në postimin e tij, Bob vuri në dukje se dyshja ishin “shumë të lumtur”.
