Të jeni në gjendje të identifikoni se çfarë ju përthith energjinë që ju karakterizon, është hapi I parë që duhet të fokusoheni për të arritur vetë- motivimin.
Gjithsesi në këtë artikull do të gjeni 4 mënyrat se si të vetë-motivoheni në situata që nuk ju bëjnë aspak të ndjeheni mirë.
1.Forconi vetëvlerësimin
Vetë-motivimi ka të bëjë me vetëvlerësimin, pra vlerësimin e vetes, respektin për veten dhe besimin se jemi të aftë. Në këtë kuptim, është e rëndësishme të pranojmë sukseset dhe përvojat tona, si dhe të pranojmë vështirësitë tona. Pika më e mirë e fillimit është kujdesi për veten: pushimi i mjaftueshëm, ushqimi i duhur, balancimi i kohës së punës dhe jetës dhe të mësuarit për të vendosur kufij janë disa shembuj.
2.Vendosni qëllime të arritshme
Për të qëndruar të motivuar, ne duhet të jemi në gjendje t’i shohim vendimet dhe veprimet tona që na afrojnë me atë që duam të arrijmë . Është e rëndësishme të kemi një pikëpamje optimiste për të ardhmen dhe besim se do të jemi në gjendje t’i arrijmë qëllimet tona. Përndryshe, nuk do të kishte kuptim të ndërmerreshin veprime. Natyrisht, duhet të identifikojmë pengesat dhe të pranojmë ekzistencën e vështirësive, por ky nuk duhet të jetë “qëllimi” ynë kryesor. Mendimi negativ nuk duhet të na pushtojë.
3.Punoni për njohjen e vetvetes
Njohja e vetvetes është thelbësore për zhvillimin e vetë-motivimit. Njohja e asaj që na motivon jo vetëm që do të na ndihmojë të përqendrojmë përpjekjet tona, por edhe të identifikojmë mënyrat për t’i arritur ato në një nivel personal. Përveç kësaj, është gjithashtu e dobishme të shikoni veten përmes syve të të tjerëve dhe të vëzhgoni sjelljen tuaj për të parë nëse është e duhura ose jo.
4.Mësoni të organizoni
Ndjenja e të mos pasurit nën kontroll të asgjëje është dërrmuese. Prandaj, për të fituar vetë- motivimin ne mund të përcaktojmë se cilat janë rezultatet që duam të arrijmë. Atëherë duhet të fillojmë ta zbërthejmë qëllimin në njësi më të vogla dhe më të menaxhueshme.
