56 aksidente trafiku në 24 orët e fundit në Kosovë, dy prej tyre me fatalitet

Mos respektimi i rregullave të komunikacionit është një ndër arsyet e aksidenteve të shumta që po ndodhin çdo ditë. E një prej mënyrave të zakonshme për parandalimin e këtyre aksidenteve, është gjobitja e atyre që shkelin rregullat në trafik.

Sipas statistikave, mijëra gjoba shqiptohen çdo ditë në vendin tonë.

Policia e Kosovës ka njoftuar se gjatë 24 orëve të fundit ka shqiptuar 2493 gjoba në trafik për shkelësit e rregullave në komunikacion.

Sipas policisë, gjatë kësaj periudhe kohore janë evidentuar disa aksidente në trafikun rrugor, prej tyre dy kanë qenë me fatalitet, 24 aksidente me të lënduar, ndërsa 56 me dëme materiale.

Po ashtu, policia njofton se gjatë kësaj periudhe janë arrestuar 28 persona, derisa 19 janë dërguar në mbajtje.