Në Komunën e Gjakovës deri më tani janë shëruar 11 persona të prekur me koronavirus e në mesin e tyre edhe një 90-vjeçare.
Në Kosovë deri më tani janë 823 persona të prekur me koronavirus dhe në mesin e tyre kanë arritur që të shërohen 366 persona.
Gjatë ditës së sotme drejtori i Shëndetësisë së Komunës së Gjakovës, Ferdinand Kolaj, ka bërë të ditur se në këtë komunë gjatë ditës së sotme është shëruar plotësisht nga koronavirusi një 90-vjeçare.
Kështu në bazë të kësaj të dhëne nga Kolaj, 90-vjeçarja është edhe pacientja më e vjetër në Kosovë që ka arritur të shërohet nga koronavirusi.
“Në Komunën e Gjakovës deri tani kemi 16 qytetar që kanë rezultuar pozitive me Covid-19, fatmirësisht të shëruar në këto momente i kemi 11 nga këta pacient, fatkeqësisht një paciente ka humbur jetën dhe 4 pacient pozitivë me Covid-19 janë duke u shëruar dhe gjendja tyre paraqitet stabile. Ne si Komunë e Gjakovës kemi marrë të gjitha masat në lidhje me pandemi dhe gjendja në përgjithësi është e qetë dhe që disa dite nuk kemi raste të reja si Covid-19 pozitive. Pacientja e fundit që është shëruar është një e moshuar 90-vjeçare”, ka shkruar Kolaj.
Sipas të dhënave që deri më tani janë dhënë nga IKSHPK-ja, aktualisht në Kosovë janë 823 persona të prekur me koronavirus, 366 kanë arritur që të shërohen ndërkaq 22 persona kanë vdekur.