Arrestohet një person në Gjakovë pasi nuk kishte maskë

Në raportin 24 orësh të Policisë së Kosovës, është raportuar për një rast në rrugën “UÇK” në Gjakovë.

Policia e Kosovës në ora 16:50 e dënoi me gjobë një person që nuk kishte vënë maskë.

I dyshuari derisa po i shqiptohej dënimi, kishte filluar të bëhej arrogant, thuhet në raportin e Policisë.

Si shkak i kësaj, zyrtarët policer ishin detyruar ta arrestonin atë. Me urdhër të prokurorit i dyshuari është liruar në procedurë të rregullt.