Kryetari i Prishtinës, Shpend Ahmeti, përmes një shkrimi në “facebook”, ka kërkuar nga qytetarët që nëse kanë smartphone ose laptop që nuk i përdorin, të i’a dhurojnë nxënësve të cilët i’u nevojitën të kyqen në platformën e mësimore online.Ahmeti ka thënë se ai e ka ofruar një smartphone të tij, për një nismë të tillë.
Shkrimi i plotë:
Prishtinë e dashur,Kemi nevojë për juve! Me rastin e organizimit të mësimit online kemi mësuar se është numër i madh i nxënësve që nuk kanë as smartphone, as tablet e as kompjuter për të komunikuar me mësimdhënësit.
Sic kemi thënë më herët pandemia po na i nxjerr në pah pabarazitë e shoqërisë tonë. Duke ditur që ne si Komunë do të digjitalizojmë edhe më tutje arsimin në Prishtinë duke filluar nga shtatori, por duke marr parasysh urgjencën e krijuar tani, ne mendojmë se NUK duhet ta lëmë asnjë fëmijë prapa për shkak se nuk i ka mundësitë familja me ble pak teknologji.
Prandaj e kemi një ide të solidaritetit. Në qoftë se keni në shtëpi telefon (smartphone), tablet, kompjuter, funksional por që nuk e përdorni atëherë dhurone atë pajisje, që një fëmijë tjetër të ketë mundësi me mësu.
Po e filloj unë që e kam një smartphone që nuk e përdori, është funksional. Drejtoresha e Arsimit, Shpresa Shala më informoi që edhe ajo po e dhuron një të tillë. Sara Habipaj e Këshillit të Prindërve në Dardani u ofrua menjëherë edhe për një pajisje. Adrian Berisha po e jep një laptop që nuk e përdorë.Te tregojmë se Prishtina është një.Në qoftë se keni një pajisje të tillë dërgone një email në [email protected] me temen Asnjë fëmijë të mos mbetet prapa dhe specifikoni llojin e pajisjene do të organizojmë marrjen e pajisjes.Emri i juaj do të publikohet në listen e donatorëve për këtë kauzë kaq të rëndësishme.#rriNshpi
