Kryetari i Prishtinës, Shpend Ahmeti, ka thënë se të gjithë ato biznese që ende nuk kanë mundur t’i dorëzojnë dokumentet për të aplikuar për grantin që u nda për bizneset e prekura nga COVID-19 kanë kohë t’i dorëzojnë ato nga data 11-15 janar. ‘
Ahmeti ka treguar edhe për dokumentet e nevojshme për aplikim, njofton Klan Kosova.
Postimi i plotë:
Të gjitha bizneset përfituese të grantit për bizneset e prekura nga #covid19 që për çfarëdo arsye nuk kanë arritur të i dorëzojnë dhe kompletojnë dokumentet e kërkuara, do të mund të i dorëzojnë ato nga data 11 – 15 janar 2021.
Dokumentacioni do të dorëzohet në katin përdhesë të ndërtesës së vjetër të Komunës.
Dokumentet e kërkuara janë:
– Leternjoftimin valid, kopje në të dy anët
– Konfirmimin e llogarisë bankare në emër të biznesit
– Çertifikatën e re të biznesit (që ka numrin unik identifikues ku fillon me nr81 dhe është 9 shifror)
