Pas ceremonisë së inaugurimit, betimit dhe fjalimit të tij ku fliste për një epokë të re të Amerikës, presidenti Joe Biden u shfaq në hollin e Shtëpisë së Bardhë teksa mbante një vogëlush në krahë dhe vallëzonte me të. Fotot e publikuara në mediat amerikane ngjallën reagime të shumta dhe duket se shkaktuan edhe emicion mes mbështetësve të Biden.
Presidenti 78 vjeçar mbante në krahë Beau Biden, nipin 8 muajsh pa të cilin shfaqja nuk do e kishte lezetin. Beau Biden është djali i Hunter Biden 50 vjeç dhe gruas së tij afrikano-jugore Melissa Cohen, 32 vjeçe. Çifti u martua në maj të vitit 2019, dy jabë pasi u takuan për herë të parë ndërsa djali i tyre erdhi në jetë në muajin mars.
Gjyshi Joe mbante Beau në krah dhe vallëzonte me të teksa në sfond ishte kënga Lovely Day.
Beau ka marrë emrin e djalit të ndjerë të Joe Biden dhe vëllait të Hunter, i cili ndërroi jetë nga kanceri në tru në vitin 2015, në moshën 46 vjeç.
Para se të shfaqej në Shtëpinë e Bardhë, Beau po mbahej në krahë nga nëna e tij, teksa shihte gjyshin Joe Biden duke u betua si presidenti i SHBA-ve.
