Modelja e njohur Arbenita Ismaili është bërë objekt i kritikave pasi postoi një fotografi të vajzës, për të cilën ndjekësit e kritikuan se e ka edituar.
Numër i madh i komentuesve deklaruan se fëmijët nuk kanë nevojë për filtra dhe editim.
Pas komenteve, Arbenita ka reaguar në InstaStory duke postuar dy versionet e fotografisë.
“Përdora aplikacionin Remini për kualitet. Merreni shtruar njerëz” – shprehet ajo.
“E kam ditur gjithnjë që Instagrami është toksik. Por ta gjykosh një të sapolindur. Ju të gjithë s’keni as zemër e as tru. Jam e pjekur mjaftueshëm që t’iu përballoj të gjithëve”, ka shkruar tutje modelja.
Për ta përmbyllur, Arbenita ka postuar një “boomerang” simpatik të vajzës, Ninës, me gjuhë jashtë duke deklaruar se kjo është “përgjigja e saj” për urryesit.
