60
Vajza që u godit nga një veturë në rrugën Prishtinë-Fushë Kosovë sot rreth orës 11:00, është në gjendje të rëndë dhe po trajtohet në Klinikën Emergjente në QKUK.
20-vjeçarja që u godit nga një automjet në lëvizje ka pësuar politraumë, ka konfirmuar drejtori i Emergjencës doktor Naser Syla.
Policia ka njoftuar se shoferi i automjetit ka ikur nga vendi i ngjarjes dhe po punohet për identifikimin e tij.
“Me rastin po merret njësiti i trafikut, të cilët përveç që po hetojnë rrethanat e këtij aksidenti, janë duke punuar në identifikimin e personit/ ngasësit të automjetit të përfshirë në aksident, pasi që i njëjti ka ikur nga vendi i ngjarjes”, ka njoftuar policia.
